(بين الاقوامی قرآنی خبررساں ايجنسی "ايكنا") خبررساں ويب سائٹ "صوت العراق" كے مطابق نجف میں آيت اللہ فياض كے دفتر سے ايك بيان جاری ہوا ہے جس میں امريكی كانگريس كی جانب سے ايك قرارداد كے ذريعہ اسرائيلی حمايت كو شرمناك قرار ديا ہے۔ قرارداد میں اسرائيل كی جانب سے غزہ كی پٹی میں بسنے والے نہتے عوام كے قتل عام كو اسرائيل كا دفاعی حق قرار ديا گيا تھا۔ انھوں نے كہا كہ اگر كوئی فلسطينی وحشيانہ كاروائيوں كا شكار ہو تو امريكہ سميت ساری عالمی برادری سكوت اختيار كر ليتی ہے ليكن اگر كوئی فلسطينی مجاہد اپنے دفاع كی خاطر قيام كرتا ہے تو سب مل كر دہشت گردی كا راگ الاپنا شروع كر ديتے ہیں۔ انھوں نے مزيد كہا كہ یہ حملے صرف فلسطين كی عزت وناموس پامال نہیں كررہے بلكہ پوری انسانيت كی شرافت كا جنازہ نكال رہے ہیں۔ آخر میں انھوں نےعالمی برادری اورامت مسلمہ سے اپيل كی كہ وہ اسرائيلی جارحيت كو فوری ختم كروانے میں اپنا كردار ادا كریں۔
347660