پاكستان میں آيت اللہ العظمی بہجت (رح) كی رحلت كی مناسبت سے مجلس ترحيم كا انعقاد

بين الاقوامی گروپ: آيت اللہ العظمی بہجت (رح) كی رحلت كی مناسبت سے پاكستان كے دارالحكومت اسلام آباد میں ۲۲ مئی ۲۰۰۹ء كو ايك مجلس ترحيم ہوئی جس میں شيعہ نامور شخصيات اور اس عالم ربانی كے عقيدت مندوں نے بڑی تعداد میں شركت كی۔

بين الاقوامی قرآنی خبررساں ايجنسی " ايكنا" كی رپورٹ كے مطابق اس مجلس كا اہتمام "مدارس اہل بيت (ع) اور جامعۃ الكوثر" نے كيا تھا ۔ یہ مجلس "جامعۃ الكوثر" اسلام آباد میں منعقد ہوئی جس میں آيت اللہ العظمی بہجت (رح) كے عقيدت مندوں كے علاوہ جامعۃ الكوثر كے سرپرست حجت الاسلام والمسلمين شيخ الملت" محسن علی نجفی" تحريك جعفریہ پاكستان كے سربراہ حجت الاسلام والمسلمين علامہ " سيد ساجد علی نقوی" اور سفينہ يتيم خانے كے سرپرست حجت الاسلام والمسلمين " سيد اسد عالم زيدی" نے شركت كی۔
اس مجلس كا آغاز جامعۃ المصطفی العالمیہ كے فارغ التحصيل طالب العلم حجت الاسلام والمسلمين ابرار حسين كی تلاوت قرآن مجيد سے ہوا۔ اس كے بعد علماء كرام نے آيت اللہ العظمی بہجت (رح) كی علمی اور روحانی شخصيت كے متعلق تقارير كیں۔
409980