بين الاقوامی قرآنی خبررساں ايجنسی ايكنا نے خبررساں ادارے ڈان "Dawn" كے حوالے سے نقل كيا ہے كہ امريكہ میں ہونے والی قرآن مجيد كی بے حرمتی پر پاكستانی عوام صدائے احتجاج بلند كرتے ہوئے سڑكوں پر نكل آئے ہیں اور انہون نے ملك كے بڑے شہروں جيسے اسلام آباد، راولپنڈی، كراچی اور لاہور وغيرہ میں مظاہرے كر كے صدائے احتجاج بلند كيا ہے۔
مظاہرين نے مطالبہ كيا ہے كہ شيطان صفت پادری كو اس كے منطقی انجام تك پہنچايا جائے۔ ان مظاہروں میں مختلف مكاتب فكر كے علماء اور عوام نے بڑی تعداد میں شركت كی ہے۔
مظاہرين نے امريكی پرچم اور ٹيری جونز كے پتلوں كو بھی نذر آتش كيا۔ واضح رہے كہ امريكی پادری ٹيری جونز نے ۱۱ ستمبر كو "قرآن سوزی ڈے" قرار ديا تھا ليكن عالمی احتجاج كی وجہ سے وہ اپنے شرمناك منصوبے پر عمل پيرا نہ ہو سكا ليكن گزشتہ روز نے اپنے خبث باطنی كا مظاہرہ كرتے ہوئے قرآن مجيد كی توہين كا ارتكاب كيا ہے۔
766146