لبنان ؛ قرآن کی بے حرمتی کے خلاف بڑے پيمانے پر مظاہرے / مسلمان اور مسيحی علماء سنجيدہ موقف اختيار كریں

بين الاقوامی گروپ : لبنان كی مختلف اسلامی جماعتوں نے امريكی رياست فلوریڈا میں گستاخ پادری كی جانب سے قرآن كی بے حرمتی كے خلاف شديد احتجاج کرتے ہوئے مسلمان اور مسيحی علماء سے ٹیری جونز کی اس گستاخی پر شديد ردعمل اور اس کے مقابل پر سنجيدہ موقف اختیار کرنے کی اپیل کی ہے ۔

ايران كی قرآنی خبررساں ايجنسی ﴿ايكنا﴾ نے اطلاع رساں ويب سائیٹ "ریڈيو نور" كے حوالے سے نقل كرتے ہوئے كہا ہے كہ لبنانی تنظيم "عمل اسلامی" کی جانب سے شيخ "عبد النار جبری" كی صدارت اور تنظيم كی كمانڈنگ كونسل كے اركين كی موجودگی میں منعقد ہونے والی نشست كے اختتام پر گستاخ قرآن ٹيری جونز کی اس شرانگیز حرکت كی شديد الفاظ میں مذمت كی گئی ہے ۔
تنظيم "علماء جبل عامل كا اجتماع" نے بھی ٹيری جونز كے توہين آميز اقدام كی شديد مذمت كرتے ہوئے امريكی پادری کے اس اقدام کو مسلمانوں كے احساسات سے بے اعتنائی قرار ديا ہے اور اس گستاخ پادری كی توہين آميز حركتوں كے سدباب کا مطالبہ کیا ہے ۔
998353