حقیقی اسلام کا تعارف،عالم اسلام کے میڈیا کی ذمہ داری
ایکنا نیوز- ایران ریڈیو کے مطابق ارنا سے گفتگو میں علی جنتی نے تہران میں منعقدہ، اسلامی ملکوں کے وزرائے اطلاعات و نشریات کے اجلاس کو عالم اسلام میں امن و امان کی برقراری کیلئے ذرائع ابلاغ کی یکسوئی سے متعلق بہترین موقع قرار دیا۔ ایران کے وزیر ثقافت و ارشاد اسلامی علی جنّتی نے کہا کہ عالم اسلام کو اس وقت مختلف قسم کے اہم مسائل کا سامنا ہے جن میں سرفہرست، انتہا پسند اور تکفیری گروہوں کی بڑھتی ہوئی سرگرمیاں ہیں۔ انھوں نے افریقہ اور مشرق وسطی میں تشدد کی بڑھتی ہوئی لہر پر افسوس کا اظہار کرتے ہوئے امید ظاہر کی کہ تہران، اسلامی ملکوں کے درمیان اتحادویکجہتی کے فروغ اور تشدد و انتہا پسندی کے مقابلے میں ان کی جانب سے متحدہ مواقف کے حوالے سے اہم مقاصد کے حصول میں کامیاب رہے گا۔ واضح رہے کہ اسلامی ملکوں کے اطلاعات کے شعبے کے ماہرین کا دو روزہ اجلاس، پیر اور منگل کو تہران میں تشکیل پایا اور اسلامی تعاون تعاون تنظیم میں ستّاون اسلامی ممالک شامل ہیں اور ایران ابتک ان ملکوں کے وزرائے اطلاعات و نشریات کے اجلاس کی دو بار میزبانی کرچکا ہے۔اسلامی ملکوں کے وزرائے اطلاعات و نشریات کا دسواں اجلاس آج تہران میں ہورہا ہے۔
