او آئی سی اپنی ذمہ داریوں پر عمل کرے
ایکنا نیوز- ایران ریڈیو کے مطابق فلسطین کی سماء نیوز ایجنسی کی رپورٹ کےمطابق فلسطین کے وزیر خارجہ ریاض المالکی نے کہا کہ ایک مہینے قبل فلسطین نے بیت المقدس کی حمایت کے لئے اسلامی کانفرنس تنظیم کے ہنگامی اجلاس کا مطالبہ کیا تھا، لیکن ابھی بھی 29 ملکوں نے اس اجلاس کے انعقاد کی حمایت نہیں کی ہے۔
المالکی نے مسئلہ فلسطین اور صہیونی حکومت کے تسلط پسندانہ اقدامات کے سبب بیت المقدس کے علاقے کے باشندوں کی مشکلات و رنج و مصائب کی طرف اشارہ کرتے ہوئے، اسلامی کانفرنس تنطیم سے مطالبہ کیا کہ وہ بیت المقدس کے دفاع کے حوالے سے، اپنے ذمہ داریوں پر عمل کرے اور اس شہر کے عوام کو صہیونی حکومت کے ظلم و ستم سے رہائی دلوانے میں مدد کرے۔ فلسطین کے وزیر خارجہ نے کہا کہ اگر امریکہ صہیونی حکومت کی جانب سے فلسطینی سرزمینوں کے قبضے کے خاتمے کے منصوبے کو ویٹو کردیتا ہے، تب بھی فلسطینی، آزاد فلسطینی بیت المقدس کے دارالحکومت کے ساتھ ریاست کی تشکیل کے لئے اپنی جدو جہد جارری رکھیں گے۔
