رجب المرجب ؛ کوفے میں سال «امام علی(ع)» پروگراموں کا آغاز
ایکنا نیوز ۔ «masjed-alkufa.net»،کے مطابق مسجد کوفہ کے متولی سید موسی تقی الخلخالی نے کہا کہ اس سال کو امام علی(ع) کے نام مبارک سے منسوب کیا گیا ہے اور اس حوالے سے مختلف مذہبی،ثقافتی اور علمی کاموں کا آغاز تیرہ رجب سے ہوگا
سید موسی تقی الخلخالی نے مزید کہا کہ عراقی پارلیمنٹ کے ممبران کے علاوہ اہم مذہبی اور علمی شخصیات کو عظیم الشان جشن ولادت امام علی(ع) کے حوالے سے دعوت نامہ جاری کیا گیا ہے
انہوں نے کہا : سال امام علی(ع) کے حوالے سےپانچویں ثقافتی فیسٹیول «السفیر» کوفہ میں منعقد کرنے کے علاوہ اس فیسٹیول کے ہمراہ علمی پروگرام بعنوان «مسلم بن عقیل ایوارڑ»، کے ساتھ تصویری نمائش اور ادبی محفلوں کے انعقاد کا پروگرام بھی شیڈول میں شامل ہیں
مسجد کوفہ کے متولی نے کہا : محققین اور مصنفین کو امام علی(ع) کی شخصیت کے حوالے سے مقالوں کے لیے خطوط ارسال ہوچکے ہیں جنکو بعد میں کتابی شکل میں شائع کیا جائے گا۔
