تکلیف میں نہیں میں نے رب سے صلح کرلی، محمد علی کے آخری الفاظ

بین الاقوامی گروپ:امریکی ریاست ایریزونا کے اوسبورن میڈیکل سینٹر میں جب عظیم باکسر محمد علی کا انتقال ہوا تو اس وقت ان کی چوتھی بیوی اور 9 بچے ان کے ساتھ موجود تھے۔

ایکنا نیوز- ایکسپریس نیوز کے مطابق محمد علی کی فیملی ذرا ئع کے مطابق آخری لمحات میں ان کے چہرے پر ہلکی مسکراہٹ تھی۔ محمد علی کے آخری الفاظ تھے ’’میں رب کائنات کے پاس جارہا ہوں، میرے لیے رونا نہیں۔ میں تکلیف میں نہیں ہوں، رب سے صلح کر لی ہے‘‘۔ انھوں نے اپنے چھوٹے بھائی اور 72 سالہ سابق ہیوی ویٹ باکسر رحمان علی سے مخاطب ہوکر پوچھا کہ ’’ میں کیسا لگ رہا ہوں ‘‘، جس کے جواب میں انھوں نے کہا کہ ’’ آپ پہلے جیسے ہی نظر آرہے ہیں ‘‘۔

محمد علی کلے گزشتہ ہفتے انتقال کرگئے تھے تاہم ان کی میت ان کے آبائی قصبے میں موجود ہے جہاں انہیں جمعے کو سپرد خاک کیا جائے گا۔