دہشت گردی کے خلاف جنگ میں عالم اسلام کا کردار سامنے آنا چاہیے
ایکنا نیوز- نیوز چینل «المنار» کے مطابق لبنان کے مفتی اعظم شیخ عبداللطیف دریان نے دارالفتوی کے بین الاقوامی سیمینار سے خطاب کرتے ہوئے کہا کہ دہشت گردی سے مقابلے کے لیے عالم اسلام اور اسلامی مکتب کی خصوصیات کو سامنے لانے اور بقایے باہمی کے اصولوں کو اجاگر کرنے کی ضرورت ہے۔
انہوں نے کہا : مختلف اقوام میں روادارانہ رویہ نفرت کی آگ کو خاموش کرسکتا ہے جسکی وجہ سے انسانیت خستہ حال ہوچکی ہے۔
لبنانی مفتی کا کہنا تھا: اسلام امن ومحبت کا پیغام دینے والا دین ہے اور بغیر رنگ و نسل کے تمام اقوام میں برابری اور برادری کا خواہ ہے
انہوں نے کہا کہ امن کے دین کو آج دہشت گردی سے جوڑنے کی کوشش کی جارہی ہے جو انتہائی افسوسناک ہے۔
انہوں نے مذاہب میں گفتگو پر تاکید کرتے ہوئے کہا کہ تعصب اور نفرت کی فضا ختم کرکے ہی ہم اسلام کے درست پیغامات کو عام کرسکتے ہیں
اسلامی دنیا کے دارالفتوی مراکز کا سیمینار دو دن تک جاری رہا جسمیں دنیا کے 80 ممالک کی اہم شخصیات اور اسلامی دانشور شریک تھے۔
