
ایکنا نیوز- ادارہ ثقافت و تعلقات اسلامی کے تعاون سے تقریب کا آغاز تلاوت کلام پاک سے ہوا جسکی سعادت نیاز محمدی نے حاصل کی جسکے بعد مزار شریف کے نامور قرآء قاری محمدباقر شریفی اور مرتضی مرادی نے بھی تلاوت کی۔
تلاوت کے بعد سیدمحمدرضا حسینیپارسا اور مجتبی محمدی نے اهل بیت(ع) کی شان میں منقبت خوانی کی۔

تبیان مرکز کے نمایندے حجتالاسلام سیدمحمد موسوی نے ظلم کے خلاف قیام کے حوالے سے خطاب میں کہا: کوئی یہ نہ سوچے کہ صرف عبادت سے خدا کی رضا حاصل ہوسکتی ہے بلکہ عبادت کے ساتھ ظلم کے خلاف قیام دین کا بنیادی حکم اور اصول ہے۔
انکا کہنا تھا: یہ جو کہا گیا ہے کہ «سیاست عین دیانت اور دیانت عین سیاست» کا مطلب یہی ہے کہ جو لوگ دین کو سیاست سے جدا قرار دیتے ہیں وہ گویا دشمن کی سازش پر کام کررہے ہیں۔
