کوئٹہ میں قرآنی اور تعلیمی سرگرمیوں میں پیش پیش مصباح ایجوکیشنل اکیڈمی اینڈ ویلفئر سوسائٹی کےشعبہ سپورٹس کے زیر اہتمام پہلا آل ہزارہ ٹیبل ٹینس تھرڈ جونئیر و جونیرٹورنامنٹ یزدان خان گورنمنٹ ماڈل ہائی سکول کے تعاون سے منعقد کیا گیا ہے۔
یوم بانی پاکستان قاید اعظم محمد علی جناح کی مناسبت سے ٹیبل ٹینس کا باقاعدہ افتتاح یزدان خان اسکول میں ہوا
جس کے مہمان خصوصی امام جمعہ جناب علامہ سید ھاشم موسوی صاحب تھے۔
مہمان خصوصی نے تقریب سے خطاب میں کہا کہ ایک سالم روح کے لیے سالم جسم کا ہونا ضروری ہے اور معاشرے کو تربیت یافتہ افراد کی اشد ضرورت ہے جس کے لیے مصباح اکیڈمی کی کاوشیں قابل قدر ہیں۔
قابل ذکر ہے کہ تھرڈ جونئیرز کے میچز مصباح ایجوکیشنل اکیڈمی کے سپورٹس روم میں کھیلا گیا جس کے مہمان خصوصی ڈپٹی ڈائریکٹر مصباح اکیڈمی جناب محمدرضا تھے۔
ٹورنامنٹ کے فاینل میچز آج یزدان خان اسکول میں کھیلے جائیں گے اور جیتنے والوں میں انعامات تقسیم کیے جائیں گے۔