لاہور میں فلسطین فاونڈیشن کے زیراہتمام قدس کانفرنس

کانفرنس میں قدس و کشمیر سمیت تمام مظلومین کے دفاع پر تاکید کی گیی۔

ایکنا نیوز کے مطابق قدس شریف اور فلسطینیوں کے حقوق پر تاکید کے حوالے سے کانفرنس منعقد ہوئی۔ فلسطین فاونڈیشن پاکستان لاہور چیپٹر کے زیراہتمام منعقدہ القدس مرکز و محور کانفرنس سے خطاب کرتے ہوئے مقررین نے کہا کہ رمضان المباک کے آخری جمعہ کو دنیا بھر کی طرح پاکستان میں بھی یوم القدس منایا جائے گا اور عوام یوم القدس کے اجتماعات میں بھرپور شرکت کریں۔

 

مقررین کا کہنا تھا کہ مسئلہ فلسطین عالم اسلام کا سب سے اہم مسئلہ ہے اور اسرائیل عالم اسلام کے قلب میں خنجر کی مانند ہے، سیاسی و مذہبی رہنماوں نے مسجد اقصیٰ کی صہیونی فورسز کی جانب سے مسلسل توہین اور فلسطینیوں پر جاری بہیمانہ تشدد کی شدید الفاظ میں مذمت کی اور کہا کہ قبلہ اول کے دفاع کیلئے کسی قسم کی قربانی سے دریغ نہیں کریں گے۔

 

علما کا کہنا تھا کہ فلسطین اور القدس پر صہیونی غاصبانہ تسلط کیخلاف سراپا احتجاج رہیں گے اور القدس کی بازیابی تک جدوجہد جاری رہے گی، کشمیر میں بھارت کی ریاستی دہشتگردی کو امریکی سرپرستی حاصل ہے اور ہم کشمیری عوام کیساتھ بھرپور یکجہتی کرتے ہیں۔