مقدونیہ میں سیرت النبی نمائش کا اہتمام
ایکنا نیوز- المسلمون حول العالم نیوز کے حوالے سے بتایا گیا ہے کہ یہ نمائش 6 فروری 2026 (17 بہمن) تک جاری رہے گی اور اسلامی اقدار جیسے امن، مہربانی اور اخلاق کے بارے میں سیکھنے اور غور و فکر کا ایک اہم موقع فراہم کرتی ہے۔
یہ نمائش اسکوپیہ کے وسط میں واقع ایک مشہور تاریخی اور سیاحتی علاقے میں منعقد کی گئی ہے، جو ایک سرگرم اور پررونق علاقہ ہے اور جہاں مقامی باشندوں اور سیاحوں کی بڑی تعداد کی آمد و رفت رہتی ہے۔
اس نمائش کی میزبانی تاریخی عمارت "حمام چیفتے" کر رہی ہے؛ یہ مقام ماضی میں روایتی عوامی حمام کے طور پر استعمال ہوتا تھا، بعد ازاں اسے نمائشوں اور ثقافتی تقاریب کے لیے مخصوص کر دیا گیا۔
یہ تاریخی عمارت قدیم اور معروف بازار ’’چارشیا اسکوپیہ‘‘ کے علاقے میں واقع ہے، جہاں پیش کیے گئے آثار انسانی مفاہیم اور اعلیٰ اسلامی اقدار پر توجہ مرکوز کیے ہوئے ہیں۔
اس نمائش میں داخلہ مکمل طور پر مفت ہے، جبکہ یہاں پیش کیے گئے بصری مواد، معلوماتی پینلز اور ملٹی میڈیا مواد زائرین کو اس بات میں مدد دیتے ہیں کہ وہ حضرت محمد ﷺ کی حیاتِ طیبہ اور اسلام کے پیغام کو سادہ اور قابلِ فہم انداز میں، بڑوں اور بچوں دونوں کے لیے موزوں طریقے سے سمجھ سکیں۔/
4330668
