انڈیا کے مسلمان مودی کی متوقع کامیابی سے پریشان
ایکنا نے مصر ٹیلی گراف کی ویب سائٹ کا حوالہ دیتے ہوئے کہا کہ دنیا کے سب سے بڑے انتخابات کے آغاز کے ساتھ ہی ہندوستانی مسلمان وزیر اعظم نریندر مودی کے دو ادوار کے بعد بڑھتے ظلم و ستم سے پریشان اور خوفزدہ ہیں، جس کی وجہ سے اس ملک میں پولرائزیشن بڑھ رہی ہے۔
مودی دور میں مہلک فرقہ وارانہ تشدد اور مسلم اقلیت پر ظلم و ستم کے متواتر واقعات پر ایک رپورٹ میں انگریزی اخبار انڈیپنڈنٹ نے جولائی 2023 میں "محمد سعد" نامی مسجد کے امام کے قتل کی طرف اشارہ کیا، جس میں ایک ہجوم نے حملہ کیا۔ انجمن کی مسجد میں 200 ہندو داخل ہوئے اور انہوں نے اس پر حملہ کر دیا جب وہ سو رہے تھے۔
انگریزی اخبار کے مطابق گروگرام میں تشدد اس بات کی یاد دہانی تھی کہ مذہبی اقلیتوں بالخصوص مسلمانوں پر بڑھتا ہوا ظلم صرف دور دراز علاقوں تک محدود نہیں ہے۔
حالیہ برسوں میں، ہندوستانی حکام نے مسلمانوں کو حقیقی یا تصوراتی جرائم کی سزا دینے کے لیے نام نہاد "بلڈوزر جسٹس" کا اصول استعمال کیا ہے۔
یہ اس وقت ہے جب کہ ہندو انتہا پسند گروپس جیسے کہ بجرنگ دل اور وشو ہندو پریشد، جو حکمران بھارتیہ جنتا پارٹی کے ساتھ ہیں اور ان کے ہزاروں اراکین اپنے کیے گئے جرائم کی سزا سے اس دور میں بچنے میں کامیاب ہو گئے ہیں۔/
4214035
