مسجد الاقصی پر مسلمانوں کا حق ہے

ایکنا: شیخ عکرمه صبری نے که مسجد الاقصی پر کسی قسم کے تجاوز کو رد کرتے ہوئے کہا کہ اس پر یقینی طور پر مسلمانوں کا حق ہے.

ایکنا نیوز-  باب نت نیوز سے موصولہ رپورٹ کے مطابق، مسجد الاقصی کے خطیب، شیخ عکرمہ صبری نے ٹی وی پروگرام "پولٹیک" کو دیے گئے ایک انٹرویو میں زور دے کر کہا کہ مسجد الاقصی تمام مسلمانوں کا حق ہے۔

مسجد الاقصی کو درپیش خطرات

شیخ عکرمہ صبری نے خبردار کیا کہ صہیونی حکومت اپنی کھدائیوں کے ذریعے مسجد الاقصی کو تدریجی طور پر تباہ اور اس کی بنیادوں کو کمزور کر رہی ہے، جس کے نتیجے میں ایک معمولی زلزلہ بھی مسجد کے منہدم ہونے کا باعث بن سکتا ہے۔

انہوں نے کہا: "یہ سرزمین مقدس ہے اور کسی کو اس پر دست درازی کا حق نہیں۔"

عالمِ اسلام سے اپیل

انہوں نے امتِ مسلمہ کو مخاطب کرتے ہوئے کہا کہ مسجد الاقصی صرف فلسطینیوں کا نہیں، بلکہ تمام مسلمانوں کا مشترکہ ورثہ ہے۔ انہوں نے عالمِ اسلام کو قدس اور مسجد الاقصی کے دفاع کی ذمہ داری اٹھانے کی تلقین کرتے ہوئے خبردار کیا: "جو بھی مسجد الاقصی کے دفاع میں کوتاہی کرے گا، وہ اللہ اور تاریخ کے سامنے جوابدہ ہوگا۔"

فلسطینیوں کی جبری ہجرت کے امریکی منصوبے پر ردِ عمل

امریکی صدر ڈونلڈ ٹرمپ کے فلسطینیوں کو غزہ سے بےدخل کرنے کے منصوبے پر ردِ عمل دیتے ہوئے شیخ عکرمہ صبری نے کہا: "یہ ہماری سرزمین ہے، ہم اس کے اصل مالک ہیں اور کسی کو اس پر تسلط کی اجازت نہیں دیں گے۔ ہم خود اپنے ملک کے فیصلے کریں گے۔"

فلسطینی عوام کا عزم

انہوں نے واضح کیا کہ:

فلسطینی قوم کبھی اپنی سرزمین سے دستبردار نہیں ہوگی۔

وہ اپنے قانونی حقوق کو پامال نہیں ہونے دے گی اور قابض قوتوں کے خلاف مزاحمت اور مقدسات کا تحفظ، فلسطینیوں کا قومی اور دینی فریضہ ہے۔/

4264560