اسلام کی قبولیت النصرکلب اسٹار کے ساتھ
ایکنا نیوز کی رپورٹ کے مطابق، کوریہ سے نقل کردہ خبر میں بتایا گیا ہے کہ سینیگالی فٹبال اسٹار سادیو مانے، جو اس وقت سعودی عرب کے النصر فٹبال کلب میں کھیل رہے ہیں، ایک شخص کے اسلام قبول کرنے کے دوران اس کے ساتھ موجود تھے۔
یہ انسان دوست اور جذباتی منظر سوشل میڈیا صارفین کی جانب سے بڑے پیمانے پر پذیرائی حاصل کر رہا ہے۔
سوشل میڈیا کے سرگرم صارفین نے ایک ویڈیو شیئر کی ہے، جس میں سادیو مانے کو ایک مسجد میں دیکھا جا سکتا ہے، جہاں وہ ایک شخص کو کلمہ شہادت پڑھ کر اسلام قبول کرتے وقت سپورٹ کر رہے ہیں۔
ویڈیو میں مانے کو سیاہ عبایا میں مسجد کے اندر دیکھا جا سکتا ہے، اور جیسے ہی وہ شخص اسلام قبول کرتا ہے، مانے اس کے ساتھ اظہار یکجہتی کرتے ہیں۔
یہ ویڈیو سوشل میڈیا پلیٹ فارم "ایکس" پر بہت زیادہ وائرل ہوئی ہے، جہاں صارفین نے مانے کے اس عمل کو سراہا۔ کچھ لوگوں نے یہ قیاس کیا کہ ممکنہ طور پر یہ شخص مانے کے جاننے والوں میں سے تھا اور ان کے اچھے اخلاق سے متاثر ہو کر اسلام قبول کیا۔
سادیو مانے اپنی عاجزی اور فلاحی سرگرمیوں میں دلچسپی کے لیے مشہور ہیں۔ وہ پہلے بھی اپنے آبائی گاؤں "بامبالی" (جو سینیگال کے شہر سیدیوی کے نواح میں واقع ہے) میں اسپتال اور اسکول تعمیر کر چکے ہیں۔
قابل ذکر ہے کہ اکتوبر میں سعودی عرب کے شاہ سلمان ریلیف سینٹر نے اعلان کیا تھا کہ مانے پہلے بین الاقوامی غیر ملکی کھلاڑی ہیں جو اس مرکز کے رضاکاروں میں شامل ہوئے ہیں۔ انہوں نے سعودی فٹبال فیڈریشن کی جانب سے ایسے انسان دوست اقدامات کی حمایت پر شکریہ بھی ادا کیا تھا۔
یاد رہے کہ سادیو مانے سعودی فٹبال کلب النصر میں شامل ہونے سے قبل جرمن فٹبال کلب بائرن میونخ کے لیے کھیل چکے ہیں۔ وہ ایک دیندار مسلمان ہیں، اور ان کی ایک ویڈیو، جس میں وہ بائرن میونخ کے ایک میچ سے پہلے قرآن کی تلاوت کر رہے تھے، سوشل میڈیا پر مسلم صارفین کی جانب سے خوب سراہا گیا تھا۔/
4265079
