دوسرا بین الاقوامی قرآنی مقابلہ «ترتیل» ثقلین چینل پر+ تصاویر
ایکنا نیوز کی رپورٹ کے مطابق قاری اور میڈیا ایکٹیوسٹ سید احمد نجف، جو کہ دوسرے بین الاقوامی ٹی وی مقابلہ "ترتیل قرآن" کے میزبان اور نگران ہیں، نے خبر رساں ایجنسی ایکنا سے گفتگو میں بتایا کہ یہ مقابلہ ایشیا، یورپ، افریقہ، لاطینی امریکہ اور جنوب مشرقی ایشیا کے مختلف ممالک کے 200 شرکاء کے ساتھ ٹیلی ویژن پر منعقد ہو رہا ہے۔
انہوں نے مزید بتایا کہ اس مقابلے کا پہلا مرحلہ جو ماہِ رمضان کے آغاز سے شروع ہوا، تین آٹھ روزہ ادوار پر مشتمل ہے۔
پہلے آٹھ دن کے لیے مقرر کردہ ججز درج ذیل ہیں:
شیخ محمد علی جابین (مصر) – صوت کے جج
استاد سید جلال معصومی (افغانستان) – لحن کے جج
استاد حیدر الکاظمی (عراق) – وقف و ابتدا کے جج
استاد سید مہدی سیف (ایران) – تجوید کے جج
سید احمد نجف نے وضاحت کی کہ ہر آٹھ روز کے اختتام پر بہترین قاریوں کا انتخاب ہوگا، جو رمضان کے آخری دنوں میں ہونے والے فائنل راؤنڈ میں حصہ لیں گے۔ مزید برآں، ہر آٹھ روز کے بعد ججز تبدیل کیے جائیں گے تاکہ مختلف ممالک کے ماہرین کو شرکت کا موقع ملے اور منصفانہ فیصلہ یقینی بنایا جا سکے۔
یہ مقابلہ سید احمد نجف کی میزبانی اور ادارت میں منعقد ہو رہا ہے، اور اس کی تمام سرگرمیاں ماہوارہ چینل "الثقلین" پر نشر کی جا رہی ہیں۔
تاریخی حیثیت مقابلے کی آرگنائزنگ کمیٹی کے مطابق، یہ اپنی نوعیت کا پہلا قرآنی مقابلہ ہے جو صرف ترتیل کی قرأت پر مرکوز ہے۔
الثقلین ٹی وی چینل کا تعارف الثقلین ایک مذہبی اور ثقافتی چینل ہے، جو امت مسلمہ کے مسائل پر مختلف معاشرتی گروہوں کے لیے متنوع پروگرام نشر کرتا ہے۔
اس چینل کا بنیادی مقصد قرآن اور مکتب اہل بیتؑ کی تعلیمات کو عام کرنا ہے۔
اس کے پروگرامز میں خواتین، بچوں اور نوجوانوں کے لیے خصوصی نشریات شامل ہیں، تاکہ اسلامی خاندانی اقدار کو فروغ دیا جا سکے۔
یہ چینل ماہ رمضان 1430 ہجری (2008 میلادی) میں عربی زبان میں لانچ کیا گیا تھا۔/
4270286
