تنزانیہ میں محفل ٹی وی گروپ کے پروگرام
ایکنا کے مطابق، ایران کے ثقافتی دفتر تنزانیہ کی اطلاع کے مطابق، گزشتہ روز 24 اردیبهشت (مطابق 13 مئی)، تنزانیہ میں محفل قرآنی ٹی وی گروپ کے پروگرام "طنین رحمت" کے عنوان سے ایک پریس کانفرنس منعقد ہوئی، جس میں تنزانیہ کی کمیٹی برائے امن و ادیان (JMAT) کے سربراہ، شیخ الهادی موسی نے شرکت کی۔
اس پریس کانفرنس میں بتایا گیا کہ طنین رحمت نامی یہ پروگرام تمام اسلامی فرقوں اور اقوام کے مسلمانوں کے دلوں کو جوڑنے کے مقصد سے ترتیب دیا گیا ہے تاکہ قرآن کریم کی اس ہدایت "اللہ کی رسی کو مضبوطی سے تھامے رکھو اور تفرقہ نہ ڈالو" پر عمل ہو سکے۔
یہ قرآنی پروگرام تنزانیہ کے دو شہروں، دارالسلام اور تانگا میں منعقد ہوگا تاکہ شائقین اس محفل قرآنی سے مستفید ہو سکیں۔
پریس کانفرنس کو اہل سنت و شیعہ مسلمانوں کی جانب سے خوب سراہا گیا اور مختلف ٹی وی چینلز اور سوشل میڈیا پلیٹ فارمز پر اس کا وسیع پیمانے پر انعکاس دیکھنے کو ملا۔
قابل ذکر ہے کہ محفل قرآنی ٹی وی گروپ 30 اردیبهشت (مطابق 20 مئی) سے 4 خرداد (مطابق 25 مئی) تک تنزانیہ میں قرآنی پروگرامز منعقد کرے گا۔/
.
4282657
