امام خامنه‌ای کی فتح پر مبارکبادی اور عالمی میڈیا کوریج

رہبر معظم انقلاب اسلامی کا ایرانی قوم کے نام پیغام، جو صہیونی حکومت کے حملے کے بعد دیا گیا، عالمی میڈیا میں وسیع پیمانے پر نمایاں طور پر نشر ہوا۔

ایکنا نیوز- العالم نیوز چینل کے مطابق حضرت آیت‌الله سید علی خامنه‌ای نے جمعرات کے روز، صہیونی حکومت کے ایران پر حملے کے بعد اپنے تیسرے ویڈیو پیغام میں فرمایا:

"میں ضروری سمجھتا ہوں کہ عظیم ایرانی قوم کو چند تبریکات عرض کروں:

پہلی تبریک: جعلی صہیونی حکومت پر فتح کی۔ اتنے شور و دعووں کے باوجود، یہ حکومت اسلامی جمہوریہ کے وار کے نیچے تقریباً زمین بوس ہو گئی اور کچلی گئی۔

دوسری تبریک: امریکی حکومت پر ایران کی فتح کی۔ امریکہ نے اس لیے براہِ راست جنگ میں شرکت کی کہ اگر وہ شامل نہ ہوتا تو صہیونی حکومت مکمل طور پر نابود ہو جاتی۔ لیکن اسے اس جنگ سے کچھ حاصل نہ ہوا۔ یہاں بھی اسلامی جمہوریہ نے فتح حاصل کی اور امریکہ کو زوردار طمانچہ رسید کیا۔

تیسری تبریک: ایرانی قوم کے غیر معمولی اتحاد اور یکجہتی پر۔ خدا کے فضل سے تقریباً نو کروڑ کی ایک قوم نے متحد ہو کر، ایک آواز میں، کندھے سے کندھا ملا کر، بغیر کسی اختلاف کے، اپنی یکجہتی اور اپنے مقاصد کا اظہار کیا، مسلح افواج کی حمایت کی اور آئندہ بھی یہی رویہ برقرار رہے گا۔"

آیت‌الله خامنه‌ای نے مزید تاکید کی: "ایرانی قوم نے اپنی عظمت، شجاعت اور ممتاز شخصیت کو اس بحران میں نمایاں کر دیا اور دکھا دیا کہ جب وقت آتا ہے تو ایک ملت ایک آواز میں اٹھتی ہے۔ خدا کا شکر ہے کہ یہی کچھ ہوا۔"

عالمی ذرائع ابلاغ کا ردعمل:

رائٹرز (Reuters): "آیت‌الله خامنه‌ای نے کہا کہ اسلامی جمہوریہ نے امریکہ کے چہرے پر طمانچہ مارا اور خطے میں امریکہ کے اہم فوجی اڈے پر حملہ کیا۔"

یورونیوز (Euronews): "آیت‌الله خامنه‌ای نے اسرائیل کے خلاف اپنے ملک کی فتح اور امریکہ کو زوردار طمانچہ مارنے کی بات کی۔"

ایسوشیئیٹڈ پریس (Associated Press): "رہبر انقلاب نے تاکید کی کہ امریکہ کو اس جنگ میں کچھ حاصل نہ ہوا۔"

الجزیرہ (Al Jazeera): "ایرانی رہبر نے ویڈیو خطاب میں امریکہ و اسرائیل کے خلاف فتح کا اعلان کیا۔"

فرانس 24 (France 24): "رہبر انقلاب نے کہا کہ ایران نے امریکہ کو زوردار طمانچہ مارا۔"

خبرگزاری فرانسه (AFP): "آیت‌الله خامنه‌ای کا کہنا ہے کہ ٹرمپ ایران کے حملے کا اثر کم ظاہر کرنا چاہتا ہے۔"

ایس بی ایس آسٹریلیا (SBS Australia): "رہبر انقلاب کے حوالے سے لکھا: امریکی اس جنگ میں کچھ حاصل نہ کر سکے۔"

ٹائمز آف اسرائیل (Times of Israel): "آیت‌الله خامنه‌ای نے کہا: امریکہ اس لیے جنگ میں شامل ہوا کہ اگر ایسا نہ کرتا تو صہیونی حکومت مکمل طور پر تباہ ہو جاتی۔"

علاقائی میڈیا کی کوریج: علاقائی میڈیا اداروں جیسے المیادین، الجزیرہ، العربیہ، المنار اور دیگر ٹی وی چینلز نے اس پیغام کو وسیع انداز میں نشر کیا۔ عربی زبان کی نیوز ویب سائٹ العهد نے بھی رہبر انقلاب کی تقریر کو اپنی سرخی بنایا اور دیگر میڈیا اداروں کی طرح اسے بھرپور کوریج دی۔

4291040