شیخ الأزهر نے غزہ کی امداد کے لیے فوری نجات کی درخواست کردی

ایکنا: احمد الطیب، شیخ الازہر، نے منگل کی شام ایک عالمی اپیل جاری کی ہے جس میں غزہ کے مکینوں کو نسل کشی اور جان لیوا قحط سے فوری نجات دلانے کا مطالبہ کیا گیا ہے۔

ایکنا نیوز-  القدس العربی نیوز کے مطابق احمد الطیب نے غزہ کی تباہ کن صورتحال پر ردعمل دیتے ہوئے ایک اپیل جاری کی، جس میں انہوں نے کہا: "آج انسانی ضمیر ایک آزمائش سے گزر رہا ہے۔"

شیخ الازہر نے خبردار کیا کہ جو بھی اسرائیل کی ہتھیاروں کے ذریعے حمایت کرتا ہے یا اپنے فیصلوں کے ذریعے اس کی پشت پناہی کرتا ہے، وہ اس جرم میں براہِ راست شریک ہے۔

انہوں نے مزید کہا: "قابض قوتیں عمداً غزہ کے عوام کو جو روٹی کا ایک ٹکڑا یا پانی کی ایک بوند تلاش کر رہے ہیں، بھوکا رکھ رہی ہیں اور پناہ گزینوں کے کیمپوں اور امدادی مراکز کو جان بوجھ کر نشانہ بنا رہی ہیں۔"

شیخ الازہر نے کہا: "ہم دیکھ رہے ہیں کہ ہزاروں معصوم لوگوں کو غزہ کی پٹی میں ٹھنڈے دل سے قتل کیا جا رہا ہے؛ اور جو بچ جاتے ہیں، وہ بھوک اور دوا کی عدم دستیابی کے باعث جان دے رہے ہیں۔"

احمد الطیب نے ایک بار پھر زور دے کر کہا کہ جو کوئی بھی ہتھیاروں یا منافقانہ بیانات اور فیصلوں کے ذریعے اسرائیلی حکومت کی حمایت کرتا ہے، وہ اس نسل کشی میں شریک ہے۔

غزہ کی پٹی میں قحط اور بھوک کا بحران بدترین شکل اختیار کر گیا ہے، کیونکہ اس علاقے پر محاصرہ مزید سخت کر دیا گیا ہے اور انسانی ہمدردی کی بنیاد پر دی جانے والی امداد کو اندر داخل ہونے سے روک دیا گیا ہے۔/

4295868