قرآنی موکب میں عزاداری مظلوم کربلاء + تصاویر

ایکنا: اربعین کے پیدل سفر کے راستے میں، عمود 706 پر واقع سب سے بڑے قرآنی خیمے میں ہر شب عزاداری ،قرانی محفل سید مہدی خضری کی تقریر اور حسن شالبافان کی نوحہ خوانی کے ساتھ منعقد ہو رہی ہے۔

ایکنا نیوز کے مطابق، یہ محافل قرارگاہ مردمی-قرآنی اربعین کی جانب سے، نجف سے کربلاء کے راستے میں قائم سب سے بڑے قرآنی خیمے میں ہر شب منعقد کی جاتی ہیں۔

گزشتہ شب کی مجلس میں، جو خدام اور امام رضا علیہ السلام کے متبرک پرچم کی موجودگی میں منعقد ہوئی، حجۃ الاسلام خضری نے کہا کہ حضرت بقیۃ اللہ الاعظمؑ اربعین کے موقع پر مخلص شیعوں کی تلاش میں ہوتے ہیں۔ انہوں نے وضاحت کی: "لبیک یا حسینؑ" کا مطلب یہ ہے کہ ہم امام حسین علیہ السلام کی طرح اپنا مال، جان اور اہل بیت معرکے میں لے آئیں اور خدا کی راہ میں جہاد کریں۔

انہوں نے مزید کہا کہ زیارت سید الشہداءؑ تمام زیارتوں سے مختلف ہے، یہ زیارت ایک میدانِ جنگ ہے، اور ہم اس زیارتِ اربعین میں اس لیے آئے ہیں کہ آخری زمانے کے فتنوں میں لڑنے اور مقابلہ کرنے کے لیے خود کو تیار کر سکیں۔/

4299171