گیارہویں عالمی اربعین ایوارڈ کا ٹیزر
ایکنا نیوز، اسلامی ثقافت و تعلقات کی تنظیم کے بین الاقوامی تبلیغی مرکز کی خبر کے مطابق، گیارہویں عالمی اربعین ایوارڈ میں فوٹوگرافی، فلم، سفرنامہ و دلنوشتہ، سوشل میڈیا سرگرمیاں، شاعری، کتاب اور اربعینی نغمات کے شعبوں میں مقابلے منعقد ہوں گے۔
دلچسپی رکھنے والے افراد اپنے کام 15 آذر (5 دسمبر) تک عالمی اربعین ایوارڈ کے سوشل میڈیا چینلز یا اس کے آن لائن پورٹل کے ذریعے ارسال کر سکتے ہیں۔
گزشتہ 10 برسوں سے عالمی اربعین ایوارڈ کا انعقاد کیا جا رہا ہے، اور اسلامی ثقافت و تعلقات کی تنظیم نے اربعین کے میدان میں فعال تمام صلاحیتوں کو بروئے کار لاتے ہوئے، عوامی اداروں جیسے "عبرات ایونٹ"، "مہر محرم" اور دیگر سرگرمیوں کے تعاون سے اس شاندار پروگرام کو منعقد کیا ہے۔
جو حضرات پچھلے 10 ادوار کے اربعین ایوارڈ کے کاموں سے استفادہ کرنا چاہتے ہیں، وہ اسلامی ثقافت و تعلقات کی تنظیم کے پورٹل (Arbaeen Portal) پر آن لائن یا اس تنظیم کی عمارت میں، جو ولی عصر (عج) اسٹریٹ اور فاطمی اسٹریٹ کے کونے پر واقع ہے، بالمشافہ جا کر رجوع کر سکتے ہیں۔
گزشتہ سال دسویں عالمی اربعین ایوارڈ سات شعبوں میں منعقد ہوا، جس میں 38 ممالک سے کل 31 ہزار 824 تخلیقات موصول ہوئیں۔ ان میں فوٹوگرافی کے 24 ہزار 464 کام، فلم کے 359 کام، سوشل میڈیا سرگرمیوں کے 2 ہزار 500، سفرنامہ و دلنوشہ کے 2 ہزار 100، شاعری کے 246، کتاب کے 87 اور اربعینی نغمات کے 2 ہزار 60 کام شامل تھے۔
اس عالمی مقابلے کا اعلان کرنے والا ٹیزر ذیل میں ملاحظہ کیا جا سکتا ہے:
