«سفیران شارجه» پروگرام میں قرآنی ایکٹویسٹوں کا تعارف
ایکنا نیوز- الخلیج نیوز کے حوالے سے رپورٹ میں بتایا گیا ہے کہ یہ پروگرام ان طلبہ و فارغ التحصیل افراد کی کامیابیوں کی متاثرکن کہانیاں پیش کرتا ہے جنہوں نے جامعہ قاسمیہ، قرآن اکیڈمی اور یونیورسٹی آف شارجہ جیسے اداروں سے تعلیم حاصل کی۔ ان میں سے بہت سے طلبہ نے اپنے ممالک میں قرآنی اور تعلیمی مراکز قائم کیے ہیں اور وہ اپنی علمی و ثقافتی ذمہ داری کو آگے بڑھاتے ہوئے اسلامی دنیا میں علم و ہدایت کی ترویج میں مصروف ہیں۔
یہ پروگرام روزانہ شارجہ قرآن ٹی وی چینل پر نشر کیا جاتا ہے اور تلاوتوں کے درمیان وقفوں میں پیش کیا جاتا ہے تاکہ زیادہ سے زیادہ ناظرین اس کے مواد سے مستفید ہو سکیں۔
خلیفہ حسن خلف، ڈائریکٹر ریڈیو اور شارجہ قرآن سیٹلائٹ چینل نے کہا کہ سفیرانِ شارجہ" پروگرام شیخ سلطان بن محمد القاسمی، حاکمِ شارجہ کی ہدایات کے تحت تیار کیا گیا ہے۔ یہ پروگرام شارجہ کے قرآنی اداروں کی کوششوں اور طلبہ کی علمی سرگرمیوں کے فروغ میں ان کی معاونت کو اجاگر کرتا ہے۔
انہوں نے مزید کہا کہ یہ پروگرام شارجہ کے ثقافتی اور تمدنی مشن کو مضبوط بناتا ہے اور اسلامی دنیا میں اس کے اہم کردار اور علمی مقام کو نمایاں کرتا ہے۔/
4310456
