İsrailin İsveçdəki səfirliyi qarşısında Fələstinə dəstək nümayişi keçirilib

TEHRAN (İQNA) - İsveçdə İsrailin Stokholmdakı səfirliyi qarşısında Fələstinə dəstək nümayişi keçirilib.

Fələstinə dəstək verən qeyri-hökumət təşkilatlarının başçılığı ilə təxminən 600 nəfər İsrailin Stokholmdakı səfirliyi qarşısında toplaşıb.

Fələstin bayraqları daşıyan nümayişçilər İsrail məhsullarını və bu ölkəyə dəstək verdiyi deyilən bəzi transmilli şirkətlərin məhsul və xidmətlərini boykot etməyə çağırıblar.

Səfirlik qarşısından şəhər mərkəzinə qədər yürüş edən nümayişçilər İsveç hökumətinin İsraili dəstəklədiyini və Qəzzada törədilən müharibə cinayətlərində şərik olduğunu əsas gətirərək əleyhinə şüarlarla reaksiya veriblər.

Geniş təhlükəsizlik tədbirləri altında keçirilən nümayiş insidentsiz başa çatıb.

AA