Misir Quran Radiosunda Nueynənin tilavətinin yayımının dayandırılmasına dair təkzib
“İQNA”-nın "əl-Təvasul"a istinadən verdiyi xəbərə görə, bu barədə yayılan media bəyannaməsində qeyd olunur ki, Şeyx Əhməd Nueynə adi qaydada Misir Quran Radiosunda müntəzəm iştirakını davam etdirir və onun fəaliyyətinin dayandırılması ilə bağlı yayılan şayiələr əsassızdır.
Bu bəyannamə bütün izləyiciləri və sosial media istifadəçilərini məlumatları paylaşmadan və ya təkrar yaymadan əvvəl lazımi dəqiqliyə riayət etməyə, şayiələrin və təsdiqlənməmiş məlumatların yayılmasından çəkinməyə çağırır.
Həmçinin Nueynənin mətbuat bəyannaməsi dəqiq məlumat əldə etmək üçün rəsmi və etibarlı mənbələrə müraciət etməyin vacibliyini vurğulamışdır.
Əhməd Nueynə sonda bütün dostlarına və xeyirxahlarına xoş hisslərini, narahatlıqlarını, zənglərini və dəstək mesajlarını ifadə etdikləri üçün təşəkkür etdi və Uca Allahdan onların hamısını qorumasını, davamlı sağlamlıq və əmin-amanlıq bəxş etməsini dilədi.
O, həmçinin Uca Allahdan bütün insanları xeyir və salehliyə yönəltməsini, Misiri və onun xalqını hər cür bəladan qorumasını istədi.
Əhməd Nueynə 1954-cü ildə Kəfr əl-Şeyx vilayətinin Mutub şəhərində anadan olmuş misirli həkim qarilərdəndir. O, hələ səkkiz yaşında tamam olmamış Quranı əzbərləmişdir. İbtidai və orta təhsilini Buheyrə vilayətində almış, daha sonra İsgəndəriyyə Universitetində tibb ixtisası üzrə təhsilini davam etdirmiş və həmin universitetin xəstəxanasında çalışmağa başlamışdır.
Keçən il Misir Vəqflər naziri Üsamə əl-Əzhəri əmr ilə Əhməd Nueynəni yarım əsrdən çox davam edən Müqəddəs Qurana xidmət dövrünü qiymətləndirərək Misir qariləri şeyxi təyin etmişdi.
4357132
