Vəhdət konfransında dünyanın 70 ölkəsindən 301 qonaq iştirak edəcək / Rəhbərin məktubu işıqlandırılacaq
İQNA-nın (Beynəlxalq Quran Xəbər Agentliyi) verdiyi xəbərə görə, Ayətullah Möhsin Əraki – İslami Məzhəblərin Yaxınlaşması Dünya Birliyi Təşkilatının (TƏQRİB) baş katibi, həftənin ikinci günü (22 dekabr 2015) mətbuat konfransında 29-cu beynəlxalq Vəhdət Konfransının mühüm proqramları barədə açıqlama verdi.
Beynəlxalq TƏQRİB təşkilatının baş katibinin dediyinə görə, bu konfrans cari ilinin Dekabar ayının 27, 28 və 29-cu günlərində əziz İslam peyğəmbəri Həzrət Məhəmmədin (s) viladət günləri və "vəhdət həftəsi" ərəfəsində "İslam dünyasının bügünki böhranları" devizi ilə keçiriləcəkdir.
Ayətullah Möhsin Əraki – İslami Məzhəblərin Yaxınlaşması Dünya Birliyi Təşkilatının (TƏQRİB) baş katibi, İQNA-nın müxbirinin bu konfransada iştirak edəcək ölkələrin və qonaqları sayı ilə bağlı sualının cavabında dedi: İndiyədək 29-cu vəhdət konfransında iştirak etməyə hazır olduqlarını elan edən ölkələrin sayı 70 civarındadır və təxmin edilir ki, konfransda 300-dən artıq qonaq iştirak edəcəkdir.
Beynəlxalq TƏQRİB təşkilatının baş katibi İQNA-nın müxbirinin bu konfransada Ali Dini Lider Həzrət Ayətullah Xameneinin qərb cavanlarına məktubunun işılqandırılması ilə bağlı bir proqram olacaqmı sualının cavabında dedi: Bu məktubun işıqlandırılması ilə bağlı konfransa zamanı xüsusi proqramımız olacaqdır. Qərar almışıq ki, Rəhbərin qərb cavanlarına məktubu ilə bağlı xüsusi dialoq və müzakirə iclası təşkil edək.
