Ərbəin mərasiminin Amerika mediası "Associated Press"-də əks-sədası
“İQNA”-nın verdiyi məlumata görə, "Associated Press" yazıb: Milyonlarla şiə müsəlman çərşənbə axşamı, avqustun 4-də İraqın müqəddəs Kərbəla şəhərində keçirilən illik Ərbəin ziyarətində iştirak ediblər. Kərbəla valisi Nəcif Jasim əl-Xəttabi bildirib ki, ziyarət zamanı 22 milyondan çox insan şəhərə daxil olub. Bu rəqəmə təxminən 5 milyon qeyri-iraqlı zəvvar, habelə ölkənin müxtəlif bölgələrindən bu müqəddəs şəhərə gələn iraqlılar daxildir.
"Associated Press"-in yazdığına görə, bu mərasim dünyada illik keçirilən ən böyük dini toplantılardan biri hesab olunur.
Bu Amerika mediası yazının davamında qeyd edib: "Bu mərasimdə iştirak edən ən mühüm xarici rəsmilərdən biri İranın xarici işlər naziri Seyid Abbas İraqçı olub. O, bazar ertəsi İraqın Nəcəf şəhərinə daxil olub və daha sonra ziyarətdə iştirak etmək üçün Kərbəlaya gedib".
Hesabatın davamında deyilir: "Keçən illərdə olduğu kimi, bu il də çox sayda iranlı zəvvar mərasimdə iştirak edib. İraqın hər yerindən Kərbəlaya aparan yollarda yemək, su, tibbi xidmətlər və digər imkanlar təqdim edən xidmət xeymələri (mokiblər) qurulmuşdu".
"Associated Press"-in məlumatına görə, eyni zamanda İranda Kərbəlaya səfər etmək imkanı olmayan bir çox insan öz mərasimlərini keçirib.
Bu xarici media həmçinin yazıb: "İranın paytaxtı Tehranda qara geyimli əzadarlar 20 kilometrə yaxın məsafədə yürüş ediblər".
Bu hesabata görə, iştirakçılar İnqilabın şəhid lideri Ayətullah Seyid Əli Xameneinin ABŞ və sionist rejimin hücumları nəticəsində şəhid olmasına etiraz olaraq şüarlar səsləndirib, etirazçılar ABŞ və sionist rejimin bayraqlarını tapdalayıblar.
4368153
