Qızıl ilə yazılmış Qurana xərclənən vəsait doğru yerə xərclənibmi?
İQNA-nın (Beynəlxalq Quran Xəbər
Agentliyi) Həzrət Ayətullah Üzma Nasir Məkarim Şirazinin dəftərxanasının ümumi
əlaqələr şöbəsinə istinadla verdiyi xəbərə görə, şiələrin böyük təqlid mərcəsi
və Qum Elmi Dini Hövzəsinin ustadı Həzrət Ayətullah Üzma Nasir Məkarim
Şirazinin iştirakı ilə açılış mərasimi keçirilən dünyanın ən böyük qızılı
Quranının yazılması üçün xərclənən maddi vəsaitə görə bəzi sosial şəbəkə
istifadəçiləri tərəfindən etirazlar edilib və bu barədə mərcənin dəftərxanasına
sual ünvanlanıb.
Həzrət Ayətullah Üzma Nasir Məkarim Şirazinin dəftərxanasının ümumi əlaqələr şöbəsi bu dəftərxananın rəsmi informasiya blokunda bu məsələnin açıqlayan sual- cavab mətni yayıb ki, müqəllidlərin (təqlidçilər) sualı və onlara verilən cavabı oxucularımıza təqdim edirik.
Sual:
Əziz təqlid mərcəsi Həzrət Ayətullah Üzma Məkarim Şirazi cənablarına
Yazıb sizə bildirir ki, zati alinizin dünyanın ən böyük "mütəlla" (qızıl ilə yazılmış) Quran nüsxəsinin açılış mərasimində iştirakınızdan sonra sosial şəbəkə istifadəçiləri buna reaksiya göstərmiş və bu şübhə zenlərində yaranmışdır ki, "bu qədər böyük məbləğdə maddi vəsaiti bir qızılı Quran yazmaq yerinə olmazdı ki, həmin maddi vəsaiti daha mühüm yerlərə, məsələn yetimlərə, kasıblara və möhtaclara xərcləyərdilər?" Buna görə də xahiş edirik ki, zehnlərdə yaranmış bu şübhəni ortadan götürmək üçün sualımızı cavablandırasınız.
Cavab:
Bütün əzizlərin rəy, nəzər və fikirlərinə hörmət və sayqı ilə yanaşır və lazım birilirik ki, sizin qafil olduğunuz və diqqət etmədiyiniz bir məsələni sizin üçün izah edək. Və o da budur ki, bu cür böyük, dəyərli, analoqsuz və fövqəladə əsərlər dünyanın müxtəlif yerlərindən olan xeyriyyəçilər tərəfindən öz maya dəyərindən çox baha qiymətə alınır. O cümlədən də bu Quran nüsxəsi elə açılış mərasimində artıq müsəlman ölkələrindən birinin xeyriyyəçiləri tərəfindən çox baha qiymətə alınmışdı. Və bu pul sizin dediyiniz kimi mütləq xeyriyyə işləri, o cümlədən yetimlər, kimsəsiz qocalar və kasıblar üçün xərclənəcəkdir.
Buna görə bu mübarək və nəfis Quran nüsxəsinin yazılması ilə bir neçə mühüm hədəfə çatmış oluruq. Həm Quran- Kərimi əsirlər boyu müxtəlif kitabət və yazı növləri ilə bizə çatdığı kimi biz də qədim ənənəyə sadiq qalıb günümüzün incəsənət növünə uyğun olaraq yazıb gələcək nəsillərə ötürürük. Həm də dövrümüz üçün misilsiz bir milli və dini incəsənət əsəri yaratmış oluruq. Həmçinin yetim və fəqirlər üçün bir gəlir mənbəyi yaratmış oluruq.
Ümid edirik ki, bu izah bütün əzizləri qane edəcəkdir.
http://iqna.ir/fa/news/3589335
