Kanada müsəlmanları sinaqoq qurbanlarını yad etdilər – Foto

Kanada müsəlmanları "Həyat Ağacı" sinaqoquna edilən hücum zamanı zərərçəkmişlər ilə həmdərdlik və həmrəylik nümayiş etdirmək məqsədi ilə Torentodakı sinaqoqların önünə toplaşaraq sülh mesajı veriblər.

İQNA-nın (Beynəlxalq Quran Xəbər Agentliyi) verdiyi xəbərə görə, Kanadanın Torento əyalətinin müsəlmanları və digər dinlərin davamçıları Amerikada yəhudilərin Pitsburq şəhərindəki "Həyat Ağacı" sinaqoquna edilən hücum zamanı zərərçəkmişlər ilə həmdərdlik və həmrəylik nümayiş etdirmək məqsədi ilə keçən həftənin Şənbə günü (3 Noyabr 2018) Torentodakı sinaqoqların önünə toplaşaraq sülh mesajı veriblər.

Bu mərasim Kanada müsəlmanlarının milli şurasının təşəbbüsü və Torento şəhərinin məscidlərinin həmkarlığı ilə keçirilib.

Torento İslam Müəssisəsinin (İİT) təsisçilərindən biri olan Fərhad Xadim bu barədə deyib: Dünya dinlərinin davamçılarına sülh mesajı verən bu mərasim "həyatın müqəddəsliyi"nin zəruri olmasını elan etmək hədəfi ilə keçirildi. Belə bir hadisə mümkündür ki, bir məscid və ya kilsədə də baş versin. Hər halda həyat və yaşamaq müqəddəs bir hədəfdir.

Fərhad Abbasın xatırladıb ki, Kanadanın Kvebek məscidində müsəlmanlara edilən hücuma görə də keçən il xristian və yəhudilər məscidlərə toplaşaraq öz həmdərdliklərini elan etmişdilər.

Kanadanın "İmdadul-İslami" təşkilatının baş katibi Osman Xan bu barədə deyib: Biz hamımız İlahi dinlərin ardıcılları və bir kökdənik. Biz digər dinlərin davamçılarının və Allah bəndələrinin qarşısında sərgilədiyimiz əməllərə görə, bizi yaradana cavab verəcəyik. Biz hamımız bacı və qardaşlarıq.

Qeyd edək ki, 27 Oktyabr 2018 il tarixində, həftənin şənbə günü, Amerikanın Pensilvaniya əyalətinin Pitsburq şəhərinin "Həyat Ağacı" sinaqoquna radikallar tərəfindən terror hücumu edilib. Hadisə zamanı 11 nəfər yəhudi ölüb və çox sayda insan yaralanıb.   

http://iqna.ir/fa/news/3761285