SepahNyusun verdiyi məlumata görə, İran İslam Respublikası Silahlı Qüvvələrinin Ali Baş Komandanının hərbi ofisinin başçısı General Mayor Məhəmməd Şirazi İslam İnqilabının Keşikçiləri Korpusu SEPAH-ın baş komandanı General Palkovnik Hüseyn Səlami ilə telefon əlaqəsi saxlayaraq islam inqilabının böyük rəhbəri və İran İslam Respublikası Silahlı Qüvvələrinin Ali Baş Komandanı Həzrət Ayətullahül-üzma Xameneinin SEPAH-ın təsis olunmasının ildönümü günü münasibəti ilə etdikləri müraciətini onun diqqətinə çatdırıblar.
Bu telefon əlaqəsində General Şirazi islam inqilabının böyük rəhbərinin müraciətinin SEPAH-ın hər bir əməkdaşına və onların hörmətli ailələrinə çatdırılmasını istəyib.
Həzrət Ayətullahül-üzma Xamenei bu müraciətdə həmçinin İslam İnqilabı Keşikçiləri Korpusu SEPAH-ın dəyərli fəaliyyətləri və səylərinə görə öz minnətdarlığını bildiriblər.
İslam İnqilabı Keşikçiləri Korpusu 1979-cu il aprelin 2-də İran İslam Respublikasının banisi həzrət İmam Xomeyninin(r.ə) fərmanı əsasında təsis edildi.