Bu barədə İmam Hüseynin (ə) hərəminin informasiya mərkəzinə ziyarətgahın texniki mühəndislik idarəsinin inşaat işləri şöbəsinin məsulu Mühəndis Əbdülhəsən Məhəmməd məlumat verib.
O deyib: İmam Hüseynin (ə) müqəddəs hərəminin daxili günbəzlərinin və bütün divarlarının güzgü ilə bəzədilməsi layihəsi sona çatıb. Layihə çərçivəsində 2500 kvadratmetr sahə güzgü ilə bəzədilib. Bu işdə ən yaxşı növ güzgülərdən istifadə edilib. Bu növ güzgülər müxtəlif növ su-hava şəraitinə dayanıqlıdır.
Mühəndis Əbdülhəsən Məhəmməd əlavə edib ki, müqəddəs hərəmin aynalama və güzgü ilə bəzədilməsi işini bu işdə xüsusi peşəkarlıqları olan İraqlı ustalar yerinə yetiriblər.