IQNA

9:53 - October 31, 2020
Xəbər sayı: 3488502
Əziz Peyğəmbərimizin (s) mübarək mövludu münasibətilə dünyanın hər yerində "Vəhdət həftəsi" adıyla müsəlmanlar müxtəlif bayram tədbirləri vә mərasimlər keçirirlәr.
Əziz Peyğəmbərimizin (s) mübarək mövludu münasibətilə dünyanın hər yerində "Vəhdət həftəsi" adıyla müsəlmanlar müxtəlif bayram tədbirləri vә mərasimlər keçirirlәr.
 
Maide.Az  xəbər verir ki, Nigeriyanın Kaduna, Yola, Sokota, Koqi kimi, bir çox şəhərində  minlərlə insanın iştirakı ilə  “Vəhdət həftəsi” münasibətilə mövlud yürüşləri keçirib.
 
Yürüş iştirakçıları “Səninləyik ya Rəsulallah” şüarı ilə yanaşı, Şeyx İbrahim Zəkzəki və qanunsuz olaraq həbs edilən bütün İMN fəallarının dərhal və qeyd-şərtsiz azadlığa buraxılmasını tələb ediblər.
 
Bundan başqa, Vəhdət həftəsi yürüşlərində Fransa rəhbərliyinin İslama və əziz Peyğəmbərimizə (s) qarşı təhqirləri qınanılıb və bu ölkənin bayrağı ayaqlar altına salınıb.
 
Vəhdət həftəsində əziz Rəsulallahın (s) mövlud mərasimi üçün küçələr bayraqlalar, şarlar və rəngli işıqlarla bəzədilib.
 
Qeyd edək ki, bu gün Rəbiül-əvvəl ayının 12-dir (Oktyabr ayının 29-u). Bu gündən etibarən “Vəhdət həftəsi” başlanır və bütün müsəlmanları öz ətrafında birləşdirən bu həftə mövlud həftəsi kimi qeyd edilir. Elə bu münasibətlə bütün İslam ümmətini təbrik edirik.
 
İslam Peyğəmbərinin (s) doğum günü ilə bağlı tarixi mənbələrdə iki fərqli versiya irəli sürülmüşdür: əhli-sünnə o həzrətin mövludunu hicri-qəməri tarixi ilə Rəbiül-əvvəl ayının 12-i, şiələr isə 17-i qeyd edirlər. Bu iki fərqli tarix arasında İslam aləmində ixtilafların aradan qaldırılması və İslam camiəsinin vəhdət və birliyi naminə 1981-ci ildən etibarən İslam İnqilabının rəhbəri mərhum imam Xomeyninin (rə) təşəbbüsü ilə bu iki günün ikisi də bayram, günlər arasındakı fasilə isə, “Vəhdət həftəsi” elan edilmişdir. Elə həmin tarixdən etibarən, Rəbiül-əvvəl ayının 12-17-ci günləri “Vəhdət həftəsi” adı ilə bütün müsəlman ölkələrində qeyd olunmaqdadır.
 
 
 
 
 
 
 
 
Ad:
E-poçt:
* Comment:
* captcha: