Azğınlıqdan çıxış yolu

Allah səadət yolunu müxtəlif yollarla açıq şəkildə vəsf etmişdir. Lakin insan həmişə xəta və azğınlığa məruz qalır. Elə bir şəkildə ki, çox çalışsın, amma xoşbəxtlik və kamillik yolunu düzgün getməsin. Ona görə də səadət yolundan sapmamaq üçün alətə ehtiyacı var.

Allahı zikr və yad etmək həmişə möminlər üçün hidayət olub, onları zəlalətdən və çaşqınlıqdan xilas edib. Bu, Allahın insanı xilas etmək üçün qoyduğu yoldur. Allah buyurur: "Ey iman əhli, Allahı çox zikr edin" (Əhzab, 41). Bəs zikr insanı azmaqdan necə xilas edə bilər?

Zikr bəzən Allahın adını demək, daha dərin mənada isə Allahı yad etmək deməkdir. Beləliklə, bu ayəni "Allahı çox zikr edin" kimi başa düşməliyik. Bu mənada Allaha və onun insan xoşbəxtliyi üçün çəkdiyi yola diqqət yetirmək həlledicidir. Yad etmək qəlb işidir. Bu səbəbdən 41-ci ayədə dil zikrindən də bəhs edir: "Ey iman əhli, Allahı çox zikr edin" (Əhzab/41). "Səhər-axşam təsbeh deyin" (Əhzab, 42). Çünki həyatımızda qəflət amilləri çoxdur. Şeytanların insanlar üçün çoxlu vəsvəsələri var. Onlarla mübarizə aparmaq üçün bütün hallarda çox zikr etməkdən başqa bir yol yoxdur. Çox zikr etmək, həqiqi mənada Rəbbinə hərtərəfli diqqət yetirməkdir.

Zikr təkcə Allahın adını demək və təkrar etmək deyil. Allahı çox zikr edənlər mal-dövlət, övlad, vəzifə və ya xoş hisslər gəldikdə Allahı yad edərlər. Digər tərəfdən, əzab-əziyyət, pul itkisi, övlad itkisi, mövqe itkisi baş verəndə yenə də Allahı xatırlayırlar.

"Əhzab" surəsinin 43-cü ayəsində buyurulur: "Sizi zülmətdən nura çıxartmaq üçün mələkləri ilə birlikdə sizə mərhəmət bəxş edən Odur. Allah möminlərə rəhm edəndir!". Həqiqətdə, davamlı zikrin və təsbihin nəticəsi və səbəbini ifadə edir. Bu ayədə buyurur: Allah sizə salam və rəhmət göndərir. Onun mələkləri də sizin üçün rəhmət diləyirlər. Bunlar sizi zülmətdən çıxaracaq, nura, iman və təqvaya yönəldəcək. Çünki Uca Allah möminlərə qarşı mərhəmətli və mehribandır. Bu ayə möminlər üçün müjdədir.