Gələcək "böyük xəbər"
Qurani-Kərimin yetmiş səkkizinci surəsi “Nəbə” adlanır. 40 ayədən ibarət bu surə Qurani-Kərimin sonuncu yəni otuzuncu cüzünün ilk, surəsidir. Məkkədə nazil olan "Nəbə" surəsi, Peyğəmbərə (s) nazil olan 80-ci surədir.
Bu surə bu səbəbdən "Nəbə" adlanır ki, onun ikinci ayəsində “Nəbəi Əzim”dən (böyük xəbər) bəhs edilir.
Bu surənin əsas mövzusu qiyamət gününün zərurət və mütləq baş verəcəyi və onun varlığının dəlili və xüsusiyyətlərinin vəsf edilməsidir. Birincisi, bu dünyada mövcud olan sabit sistemdən xəbər verir; Məsələn, bəzi təbiət sistemləri yerin hərəkətindən, zövciyyət məsələsindən, səma kürələrindən, gecə və gündüzün yaradılmasından, yağışın yağmasından, yerin dirilişindən və ona hakim olan qanunlardan danışır. Daha sonra vurğulayır ki, Qiyamət günü baş verəcək və o, insanlara verilmiş vəddir.
“Nəbə” surəsi böyük bir xəbər və hadisədən, yəni qiyamətin gələcəyindən bəhs edir. Onun doğru olmasını və mütləq baş verəcəyini vurğulayır və tutarlı dəlillər gətirir. Surənin başlanğıcı elədir ki, insanlar qiyamət xəbərini bir-birindən soruşurlar. Sonra Allah təhdid tonunda deyir ki, tezliklə bundan xəbər tutacaqlar.
“Nəbə” surəsində qiyamət günü və onun hadisələri haqqında danışılır. Günahkarların və əməlisaleh insanların həmin gündəki məqam və vəziyyətləri təsvir edilir.
Surənin davamında qiyamətin varlığını isbat etmək üçün maddi aləmin bu fani dünyadan sonra sabit və qalıcı bir dünyanın olacağına ən yaxşı və ən aydın dəlil olduğu bildirilir. Həmçinin o günün insanların əməllərinin mühakimə olunduğu gün olduğu qeyd edilir. Sonra bu günün hadisələri təsvir edilir ki, orada bütün insanlar çağırılır. Üsyan edib Allaha qarşı çıxanlar ağrılı bir əzaba girəcəklər. Digər tərəfdən isə pak və təqvalı insanlar əbədi bir nemətə qovuşacaqlar.
