Quran dili ilə Allahın vəsfi
1_ Allah misilsizdir: "Ona bənzər heç bir şey yoxdur. O, (hər şeyi) eşidəndir, (hər şeyi) görəndir!" (Şura, 11).
2_ Allah tamamilə ehtiyacsızdır və hər kəs ona möhtacdır:
“Ey insanlar! Siz Allaha möhtacsınız. Allah isə (heç nəyə, o cümlədən sizin ibadətinizə) möhtac deyildir. O (hər cür) şükrə (tərifə) layiqdir!” (Fatir, 15).
3_ Allahı zahiri gözlə görmək olmaz: “ Gözlər Onu (görüb) dərk etməz. O, gözləri dərk edər” (Ənam, 103).
4_ Allah hər şeydən xəbərdardır: “Allah hər şeyi biləndir” (Ənkəbut, 62).
5_ Allah hər şeyə qadirdir.
“Hökm (hər şeyin ixtiyarı) əlində olan Allah nə qədər ucadır (nə qədər uludur). O, hər şeyə qadirdir!” (Mülk, 1).
6_ Allah hər yerdədir: “Hansı tərəfə yönəlsəniz (üz tutsanız) Allah oradadır” (Bəqərə, 115).
7_ Allah hər kəsin zehni yaddaşından xəbərdardır:
“And olsun ki, insanı Biz yaratdıq və nəfsinin ona nə vəsvəsə etdiyini də Biz bilirik” (Qaf, 16).
8_ Allah insana şah damarından daha yaxındır:
"Biz ona şah damarından da yaxınıq!" (Qaf, 16).
9_ Allah öz zatında əbədidir: “Allahdan başqa heç bir tanrı yoxdur. (Zatı və kamal sifətləri ilə hər şeyə qadir olub bütün kainatı yaradan və idarə edən, bəndələrini dolandıran və onların işlərini yoluna qoyan) əbədi, əzəli varlıq Odur” (Bəqərə, 255.(
10_ Allahı yüngül və ağır yuxu qəbul etməz: “Sünnə və mənim adım olmasın” (Bəqərə, 255(.
11_ Bütün kainatın yaradıcısı Allahdır: “O Allah Rəbbinizdir! Ondan başqa heç bir tanrı yoxdur. Hər şeyi yaradan Odur” (Ənam, 102).
12_ O, bütün varlığın sahibidir: “Göylərin, yerin və hər şeyin sahibi Allahdır” (Maidə, 120(.
13_ Bütün məxluqatın tərbiyəsi onun əlindədir:
“Həmd olsun göylərin və yerin Rəbbinə, aləmlərin Rəbbinə!” (Casiyə, 36(.
14_ Həyat və ölüm onun əlindədir: “Allah öldürür və dirildir” (Ali-İmran, 156).
15_ Bütün varlıq sistemi ona təslimdir:
"Necə ola bilər ki, onlar (kitab əhli) Allahın dinindən başqa bir din axtarsınlar? Halbuki göylərdə və yerdə olanlar istər-istəməz Ona (Allaha) təslim olmuşlar və Onun hüzuruna qayıdacaqlar" (Ali-İmran, 83).
16_ Onun şəriki, həmyaşıdı yoxdur: “Və de: “Özünə heç bir övlad götürməyən, mülkündə (səltənətində) heç bir şəriki olmayan, zəif (aciz) olmadığı üçün (Ona kömək edəcək) heç bir dosta (hamiyə də) ehtiyacı olmayan Allaha həmd olsun!” (İsra, 111).
17_ Bütün məxluqat ona möhtacdır: “Göylərdə və yerdə kim varsa, (hamısı) Ondan (ruzi, mərhəmət və mədəd) diləyər. O hər gün (hər an) bir işdədir” (Rəhman, 29).
18_ Şərəf və zillət onun əlindədir:
- (Ya Rəsulum!) De: “Ey mülkün sahibi olan Allah! Sən mülkü istədiyin şəxsə verər, istədiyin şəxsi yüksəldər və istədiyin şəxsi alçaldarsan. Xeyir yalnız Sənin əlindədir. Həqiqətən, Sən hər şeyə qadirsən!” (Ali-İmran, 26).
19_ Bütün məxluqatın ruzisi onun əlindədir:
"Şübhəsiz ki, ruzi verən də, qüvvət sahibi də, yenilməz olan da Allahdır!" (Zariyat, 58).
"Yer üzündə yaşayan elə bir canlı yoxdur ki, Allah onun ruzisini verməsin" (Hud, 6).
- Möhsin Qəraəti tərəfindən yazılmış "Əqidə prinsipləri (Tövhid)" kitabından götürülmüşdür.
