Qəzzada 600-dən çox məscid tamamilə dağıdılıb
"İQNA", Fələstinin "Səma" xəbər agentliyin saytına istinadən xəbər verir ki, Vəqflər Nazirliyi işğalçı rejimin hücumları nəticəsində Qəzzada məscidlərin 60%-nin zədələndiyini və əsgərlərin bu məscidlərin xarabalıqlarına gedərək onları təhqir etdiyini bildirib.
Hesabatda işğalçı rejimin raket və bombaları nəticəsində 604 məscidin tamamilə, 200-dən çox məscidin isə qismən dağıdıldığı bildirilib.
Beynəlxalq hüquqa görə, məscidlərə hücum müharibə cinayəti sayılır.
Vəqflər Nazirliyi hesabatında qeyd edib ki, işğalçı rejim 60 qəbiristanlığı hədəfə alıb, qazıb, mindən çox ölən insanın cəsədini oğurlayıb.
Xəbərdə həmçinin əlavə edilib ki, işğalçı İsrail rejimi Vəqflər Nazirliyinin qərargahı, Radio Quran Mərkəzi, Xan Yunis Vəqfləri İdarəsi və bu nazirliyin sənədlərinin və əlyazmalarının saxlandığı mərkəz də daxil olmaqla 15 Qərargahı tamamilə dağıdıb.
Mütəxəssislər bildirirlər ki, sionist işğalçıları fələstinlilərin həyatında məscidlərin yeri və əhəmiyyətini başa düşdükləri üçün bu ibadət ocaqlarını hədəfə alırlar. Məscidlərin onların şəxsiyyətlərinin tərkib hissəsi olduğunu bilirlər. O, həmçinin hesab edir ki, məscidlərin sökülməsi İsrailin Beynəlxalq Ədalət Məhkəməsində ittiham olunduğu soyqırım prosesi ilə bağlıdır.
Həmçinin bildirilib ki, fələstinlilər məscidlərdə səbir, dözümlülük və ədalətsizliyə qarşı durmağı öyrəniblər, buna görə də işğalçılar dəyərlərin və iradələrin çiçəkləndiyi yerlər olaraq gördükləri məscidləri hədəf almağa qərar veriblər.
4216398
