Bursalı 11 yaşlı Emirhan 4 aya hafız oldu
Rayondakı bir orta məktəbdə 6-cı sinfə keçən 11 yaşlı Emirhan, aprel ayında İnegöl Niyazi Kudrət Proje Hafızlık Quran Kursunda hafızlık təhsili almağa başladı.
Məktəbdəki dərsləri ilə bərabər apardığı hafızlıq təhsilinə yay tətili başlayanda daha çox diqqət yetirən Emirhan, Qurani-Kərimi 4 ayda əzbərlədi.
Kurs rəhbərliyi tərəfindən Emirhan və digər hafızlar üçün icazət mərasimi təşkil edildi.
Emirhan Can, AA müxbirinə danışarkən, çalışarkən bəzən çətinlik çəkib ağladığını, lakin hafızlığını tamamladığı üçün xoşbəxt olduğunu bildirib. Hafızlıq təhsilinə anasının onu yönləndirdiyini qeyd edən Emirhan, "Bura və müəllimlərimi çox sevdim. Evdə də, kursda da çalışdım. Məktəbim olmasaydı, 2 aya da bitirə bilərdim. Özümü çox məcbur etmədim." deyə danışdı.
"Özünə söz verdi və hədəfinə çatdı"
Atası Uğur Can isə oğlunun çalışqan olduğunu, kursdakı müəllimlərinin də xüsusi maraq göstərməsi ilə səylərinin boşa çıxmadığını ifadə etdi.
Oğlu ilə fəxr etdiyini vurğulayan Can, "Biz əlimizdən gələni etdik, o da bizim səylərimizi boşa çıxarmadı. Bu səbəbdən xoşbəxtik, fəxr edirik. Allah yolunda inşallah ömür boyu bu əzmini davam etdirər." dedi.
Kursda tələbələri yetişdirən müəllimlərdən Ahmet Çetin də Emirhanın bu uğura əzmi ilə çatdığını vurğuladı.
Tələbəsini təbrik edən Çetin, bu ifadələri işlətdi:
"Emirhan çox mübarizə apardı. Zaman-zaman ağladı, zaman-zaman yerində dura bilmədi. Həqiqətən yerində dura bilmədiyini hamımız gördük. Anası hər gün 05.30-da onu oyadır, bütün səhifələri tək-tək dinləyir və sonra kursa göndərirdi. Ailəsi çox mübarizə apardı. Özü bir hədəf qoydu; 'Hocam, mən heç bir səhv etməyəcəyəm, heç xəstələnmədən hafızlığımı tamamlayacağam' deyə özünə söz verdi və hədəfinə çatdı."
