Alimlər Quranın süni intellektlə təhrif edilməsinə qarşı xəbərdarlıq ediblər
"Əl-Cumhur" saytının verdiyi xəbərə görə, Meta Al süni intellekt texnologiya dünyasının faydalı vasitələrindən biri olsa da, Quran ayələri ilə bağlı səhvə yol verib.
Bəzi Facebook istifadəçiləri “Fələq” surəsi ilə bağlı süni intellektlə müsahibə dərc ediblər. Süni intellekt Qurandan olmayan sözlərlə cavab verir və bu surənin səhv olduğu yazılanda cavabda düzgün surəni qeyd edir.
Bir qrup din alimi, müəllim və fəqih süni intellekt kimi internet proqramlarının yayılması ilə Quran ayələrinin təhrif edilməsinə qarşı xəbərdarlıq ediblər.
Müsəlman alimləri də vurğulamışlar ki, Quran nüsxəsi ayrı-ayrı şəxslər tərəfindən nəşr olunmazdan əvvəl onun bütövlüyü təmin edilməlidir.
Onlar həmçinin təhrif edilmiş Quranın məsul şəxslərə bildirilməsini tələb ediblər.
Alimlər müsəlmanlardan süni intellekt kimi naməlum proqram və platformalardan istifadə etməmələrini və bütün müsəlmanlardan Quran mətnini əzbərləməkdə diqqətli olmalarını istəyiblər.
Eləcə də, alimlər Qətər müshəflərinin elmi və təfərrüatlı bir araşdırma ilə nəşr edildiyini və hər bir müsəlmanın istənilən dini mövzuda onlara müraciət edə biləcəyini bəyan etdilər.
Meta Al texnologiya sahəsində ən güclü vasitələrdən biridir və məlumatların təhlilində, tendensiyaların proqnozlaşdırılmasında və məlumatlara əsaslanan həllərin təmin edilməsində geniş istifadə olunur.
Meta-süni intellektin tətbiqləri kifayət qədər geniş və müxtəlifdir və müxtəlif sektorlarda məsələn, saytlar və sosial şəbəkələrdə effektiv şəkildə tətbiq oluna bilər.
4255690
