İtaliyada Quran yarışması, Almaniyada Milad bazarına edilən hücumu qınadı
“Ənfas Press” saytının verdiyi xəbərə görə, 21 dekabr şənbə günü yekun mərhələsi keçirilən milli Qurani-Kərim müsabiqəsinin iştirakçıları Almaniyanın Maqdeburq şəhərindəki Milad bazarına edilən terror hücumunu pisləyiblər.
Müsabiqədə Mərakeşin Milandakı baş konsulu, İtaliya İslam Konfederasiyasının rəhbəri, Avropa Mərakeş Alimləri Şurasının sədri, həmçinin İtaliyadan və xaricdən çoxsaylı İslami şəxsiyyətlər iştirak edib və çıxışlar ediblər.
Müsabiqənin təşkil edilməsindəki məqsədlər Qurani-Kərim tilavətlərini tanıtmaq, Quranı əzbərləməkdə rəqabət ruhunu yaymaq və yeni nəsil müsəlman uşaqlar arasında Qurani-Kərimin mövqeyini gücləndirməkdir.
İtaliya İslam Konfederasiyası (CII) ölkədəki İslami Cəmiyyətlər və Təşkilatlar Birliyi (UCOII) və İtaliyanın İslami dini cəmiyyəti ilə birlikdə bu ölkənin üç əsas sünni İslam təşkilatından biridir.
4255707
