Taylandda sülh üçün Quran və surud oxumaq müsabiqəsi
Taylandın Sonqxla əyalətindəki Hat Yai Universitetində keçirilən müsabiqənin açılış mərasimində çıxış edən əyalət valisi Çutinarin Kerdsum Tayland cəmiyyətinin din və mədəniyyətdəki fərqliliklərə və müxtəlifliyə hörmət edən multikultural cəmiyyət olduğunu bildirib.
Əyalət valisi Qurani-Kərimin tərtillə oxunmasının və ilahi qruplarının ifasının İslam mədəniyyətində xüsusi yer tutduğunu bildirib. O, qeyd edib ki, cəmiyyətdə və mühitdə baş verən dəyişikliklər bəzi adət-ənənələrin, mədəniyyətlərin gənclərin şüurundan silinməsinə səbəb olub, ona görə də gənc nəslin öz mədəniyyətini dərk etməsinə, onunla fəxr etməsinə şərait yaratmaq və təşviq etmək lazımdır.
Hat Yai Universitetinin tələbə inkişafı və ictimaiyyətlə əlaqələr üzrə vitse-prezidenti Nivat Savazdikav bildirib ki, müsabiqənin məqsədi cənubdakı gənc müsəlmanları öz tarixlərini qoruyub saxlamağa və cənub sərhəd əyalətlərində sülhün bərqərar olmasına təşviq etməkdir. O, həmçinin bildirib ki, məqsəd Tailanddakı müxtəlif etnik qruplar arasında anlaşma və yaxşı münasibətləri gücləndirməkdir.
O, habelə Quran tilavəti, tərtil və ilahilər kimi müxtəlif bölmələr üzrə bu tədbirdə mindən çox insanın iştirak etdiyini bildirib.
O, bu cür tədbirlərin təkcə incəsənətin və mədəniyyətin təbliği üçün deyil, həm də gəncləri öz mədəni irsi ilə fəxr etməyə, ictimai inkişafda iştiraka sövq etməyə məqsədəuyğun və zəruri olduğunu bildirib.
Bundan əlavə, bu tədbir cənub bölgəsində İslam xüsusiyyətlərini qorumaq üçün Hat Yai Universiteti ilə hökumət, özəl sektor və ictimai təşkilatlar da daxil olmaqla müxtəlif təşkilatlar arasında əməkdaşlıq sinerjisidir. O, cənub sərhəd əyalətlərində sülhü təşviq etmək və müxtəlif multikultural cəmiyyətdə harmonik birgə yaşayışı təşviq etmək məqsədi daşıyır.
4258544
