IQNA

Hindistan əsgərləri Qurani-Kərimə hörmətsizlik ediblər

3:11 - January 13, 2025
Xəbər sayı: 3497421
İQNA – Kəşmirdəki islami təşkilatlar və şəxsiyyətlər Hindistan əsgərlərinin Şrinaqar həbsxanasında Qurana hörmətsizlik etməsinə reaksiya verib və pisləyiblər.

Kəşmir Media Xidmətinin verdiyi məlumata görə, Kəşmirdəki İslam partiyaları Hindistan əsgərlərinin Şrinaqar Mərkəzi Həbsxanasında Qurani-Kərimi təhqir etməsini təxribat xarakterli və düşünülmüş hərəkət kimi qiymətləndiriblər.

İslami partiyalar bu çirkin hərəkətə reaksiya verərkən, APHC Partiyasının lideri Seyid Həsən Əl-Musəvi Əl-Səfəvi Qurani-Kərimin təhqir edilməsinin Kəşmirdəki işğalçı hakimiyyətin islamofob siyasətindən qaynaqlandığı barədə xəbərdarlıq edərək, bunun onların İslama nifrət etdiyini və ikili standartlarını nümayiş etdirdiyini bildirib.

O, bu çirkin hörmətsizliyin birbaşa hakimiyyətdə olanların nəzarəti altında həyata keçirildiyini də bəyan edib.

Digər İslam liderləri və təşkilatları da bu cür təcavüzkar hərəkətlərə heç bir şəkildə yol verilməyəcəyini açıq şəkildə bəyan ediblər.

Bu liderlər bildiriblər ki, hakim partiya qəsdən Kəşmir müsəlmanlarının dini və mədəni kimliyinə hücum edir və ondan sistemli şəkildə kəşmirliləri qızışdırmaq və incitmək üçün bir vasitə kimi istifadə edir.

Onlar həmçinin vurğuladılar ki, dini simvollara edilən bu qəsdən hücumlar Hindistanın Kəşmir əhalisinin şəxsiyyətini məhv etməyə yönəlmiş daha geniş anti-İslam siyasətinin bir hissəsidir.

Liderlər Hindistanı Cammu və Kəşmirdə dini azadlıq və insan haqlarına etdiyi hücumlara görə məsuliyyət daşımaq üçün beynəlxalq müdaxilə edilməsini istəyiblər.

Onlar həmçinin xəbərdarlıq ediblər ki, bu cür hərəkətlər regionda qeyri-sabit vəziyyəti daha da pisləşdirəcək.

4259361

captcha