Quranı yandıran Selvan Momika öldürüldü
İsveç mətbuatının verdiyi məlumata görə, bir neçə dəfə Quranı yandıran 38 yaşlı Selvan Momika ötən gecə Stokholmun cənubundakı Swedertalia rayonundakı evində güllələnib.
Stokholm polisinin sözçüsü Daniel Wikdahl İsveç mətbuatına bildirib ki, onlar evin içində və ətrafında ətraflı axtarış aparıblar. Polis Departamentinin mətbuat katibi Qabriel Wernstedt də İsveç Polis Xidməti ilə sıx əməkdaşlıq etdiklərini bildirib.
Momika 28 iyun 2023-cü il çərşənbə günü, Qurban bayramının ilk günü Stokholmda Quran yandırıb.
Momika daha sonra polisin himayəsi altında Stokholmdakı İraq səfirliyi və İsveç parlamenti qarşısında Quranı yandırıb və İraq bayrağını bir neçə dəfə tapdalayıb. Momika avqustun 24-də Stokholm məscidinin qarşısında Quranı yenidən yandırıb.
Momikanın 2023-cü il sentyabrın 3-də Malmödə polisin himayəsi altında Quranı yandırmasından sonra etirazlar keçirilib və ona mane olmağa çalışan 15 nəfər saxlanılıb. Momika sonuncu dəfə 2023-cü il oktyabrın 21-də Stokholmun mərkəzində sionist rejimə dəstək aksiyası keçirib və orada Qurani-Kərim və Fələstin bayrağını yandırıb.
