Şəhid Nəsrullahın qızı atasının xüsusiyyətlərini vəsf edib
Hizbullahın şəhid baş katibi Seyid Həsən Nəsrullahın qızı Zeynəb Nəsrullah “Əl-Mayadeen”ə atasının şəxsi və ailə həyatının bilinməyən tərəfləri barədə danışıb. Zeynəb Nəsrullah belə bir rəhbərin qızı olmağın onun üçün şərəf olduğunu vurğulayıb.
“Uşaqlıqda atamla keçirdiyim vaxt məhdud idi”
İş qrafiki çox olduğu üçün digər uşaqlar kimi atası ilə vaxt keçirmək şansının olmadığını bildirən Zeynep Nəsrullah, “Atamın məsuliyyətinə görə onunla tez-tez vaxt keçirə bilmirdik, amma anam onun təlim anlayışına tamamilə bağlı idi və bizi bu istiqamətdə böyüdüb” dedi.
“Əxlaqı ilə Əhli-beyti təmsil edirdi”
Nəsrullah, atasının sərt prinsiplərə malik ideal ər və ata olduğunu, ailə daxilində şəffaf, duyğulu və mərhəmətli bir insan kimi tanındığını bildirib. Zeynep Nəsrullah deyir: “O, bizi heç vaxt heç nəyə məcbur etmədi, amma dedikləri o qədər inandırıcı idi ki, biz həmişə onun məsləhətini nəzərə aldıq”.
Şəhid oğlu Hadi Nəsrullah və ailədə müqavimət ruhu
Qardaşı Hadi Nəsrullahın şəhadətindən danışan Zeynəb Nəsrullah atasının ona heç vaxt təzyiq göstərmədiyini, lakin şəhadətinin xalqın müqavimət ruhunu gücləndirdiyini bildirib.
“Ramazan ayı ailəmiz üçün xüsusi oldu”
Nəsrullah atasının təhlükəsizlik tədbirləri səbəbindən məhdud ailə həyatı yaşamaq məcburiyyətində qaldığını, lakin xüsusilə Ramazan ayında bütün ailənin bir araya gəldiyini söyləyib. Şəhid Nəsrullahın qızı: “Atam Ramazan iftarlarında nəvələri ilə xüsusi bağlılıq qurur və hər kəs bu anları səbirsizliklə gözləyirdi” deyib.
Həyat yoldaşı Şəhid Həsən Kəsir və müqavimət mübarizəsi
Mücahid olan ərinin gənc yaşlarından müqavimətə qatıldığını və 1999-cu ildə Beyt Yahoun əməliyyatı kimi bir çox hücumlarda ön cəbhədə yer aldığını bildirən Nəsrullah, ərinin Seyid Həsən Nəsrullaha olan sevgisinin sadəcə bir ailə bağlılığı olmadığını, onu əsl lider və rəhbər kimi gördüyünü söylədi.
Son görüş və atanın vəsiyyəti
Atası ilə son görüşünün Aşuradan əvvəl olduğunu bildirən Nəsrullah atasının insanları Allaha yaxınlaşdırmağa çalışdığını vurğulayıb. O, atasının ona tez-tez Hizbullahın mərhum lideri Seyid Abbas Musəvinin “Sənə bütün qəlbimizlə xidmət edirik” sözlərini xatırlatdığını və xalqın dərdinə böyük əhəmiyyət verdiyini bildirib.
“Ümmət yetim qaldı”
Zeynəb Nəsrullah atasının həmişə xalqı öz övladı kimi gördüyünü və onun itkisinin təkcə ailəsi üçün deyil, bütün İslam ümməti üçün böyük itki olduğunu bildirib. “Seyyid Həsən Nəsrullah əsl İslam lideri idi və onun yoxluğu insanlara övladlarını və yaxınlarını itirməkdən daha çox ağrı verdi” dedi.
“O, İmam Musa Sədrin yolu ilə getdi”
Atasının İmam Musa Sədrdən çox təsirləndiyini və onun həyat fəlsəfəsini özünə rəhbər tutduğunu bildirən Nəsrullah Seyid Həsən Nəsrullahın şəhadətinə qədər elmi araşdırmalarını davam etdirdiyini və İran İnqilabının Rəhbəri Ayətullah Seyid Əli Xameneinin mühazirələrində iştirak etdiyini açıqlayıb.
“Qələbə qazandıq, amma yetim qaldıq”
Nəsrullah sonda atasının yoxluğunun xalqa böyük təsir etdiyini söyləyərək, “Qələbə qazandıq, amma yetim qaldıq. Xalq da bizim kimi onun qayıdıb bu qələbəni qeyd etməsini gözləyir” - deyə qeyd etdi.
