Əl-Əzhər Şeyxi: "Əgər həqiqi İslam birliyi olsaydı, Qəzza xalqının qətliamının şahidi olmazdıq"
"Əl-Yəvmus-sabi" internet saytının verdiyi xəbərə görə, Əhməd Tayyib, “Fələstin və Qəzza məsələsi bizim üçün dərsdir. Əgər həqiqətən də İslam Birliyi olsaydı, Qəzzada 16 aydan çox davam edən qırğın və Fələstin xalqını öz torpaqlarından qovmaq planı da daxil olmaqla, heç bir hadisənin şahidi olmazdıq” dedi.
Əl-Əzhər şeyxi görüşdə sabitlik və tərəqqinin yeganə həll yolunun müsəlmanların birliyi olduğunu və İslam ümmətinin etimadının bərpa edilməsinin kiçik də olsa bütün böhranların öhdəsindən gəlməyin yeganə həll yolu olduğunu bildirib.
Din alimləri və siyasi liderlər arasında səylərin əlaqələndirilməsi və dialoq kanallarının açılmasının zəruriliyini vurğulayan Əhməd Tayyib, İslam qardaşlığı və ümmətin gələcəyinin yaxın siyasi maraqlardan üstün tutulmasının vacibliyini vurğuladı.
O, həmçinin əlavə edib ki, ixtilaf İslam ümməti üçün xəstəlik və zəiflikdir.
Ənvər İbrahim bildirib ki, Malayziya İslam dialoqu konfransının nəticələrini dəstəkləməyə və onun bütün dünyaya, xüsusilə də Cənub-Şərqi Asiya ölkələrinə çatmasını təmin etməyə hazırdır.
O, həmçinin Malayziyanın İslam birliyinə sadiqliyini vurğuladı və onun həmişə parçalanmadan çəkindiyini söylədi.
Martın 1-də Bəhreyndə “Bir ümmət, ortaq tale” adı altında İslam Dialoq Konfransı işə başlayıb.
Konfransda Əl-Əzhər Şeyxi Əhməd Tayyib və dünyanın hər yerindən 64 ölkə iştirak edib.
4267344
