Hollandiyada müsəlmanların sayı artır
“NL Times”-ın verdiyi məlumata görə, Hollandiyada son 14 ildə ilk dəfə olaraq özünü bir dinə mənsub hiss edən insanların sayı artıb. İslam gənclər arasında ən sürətlə böyüyən dinə çevrilib.
Hollandiyada uzun müddətdir azalma tendensiyası müşahidə edən dini yönümlülük nisbətləri 2024-cü ildə kiçik bir artım yaşadı. CBS məlumatlarına görə, özünü dini qrupa aid hiss edənlərin sayı 2023-cü ildəki 42 faizdən 2024-cü ildə yüzdə 44-ə yüksəldi.
2010-cu ildə bu say yüzdə 55 idi. Lakin o vaxtdan bəri hər il durmadan azalan dini mənsubiyyət ilk dəfə olaraq yenidən artmağa başladı.
Hollandiyalı müsəlmanların təxminən yarısı hər ay məscidlərə gedir ki, bu da onları dindarlar arasında qərarlaşdırır.
Gənclərdə İslama meyli artıran amillər sırasında müsəlman cəmiyyətlərinin böyüməsi və İslam təhsil müəssisələrinin uğurları var. Bu gün Hollandiyada təxminən 12500 tələbəyə təhsil verən 53 İslam məktəbi var.
Osmanlı dövründə müsəlman tacirlərin Hollandiya ilə təması, mühacirlərin Hollandiya müstəmləkələrinə gəlməsi və 2-ci Mahmud dövründə İslamın yüksəlişi İslamın bərqərar olmasına və İslama meylin artmasına zəmin yaratdı. Bu, ikinci Dünya Müharibəsindən sonra baş verən geniş miqrasiyadır.
Bu gün Hollandiyada yüzlərlə məscid var; bunlara Rotterdamdakı Əl-Salam məscidi və Mövlana məscidi daxildir. Bu məscidlər təhsil, mədəniyyət və sosial xidmətlər göstərən fəal icma mərkəzləridir.
Ölkədəki müsəlmanların əksəriyyəti türk, Mərakeş, Surinam, İndoneziya, İraq və Suriya əsillidir və Amsterdam, Rotterdam, Haaqa və Utrext kimi böyük şəhərlərdə yaşayır.
Müsəlmanlar Hollandiyanın 17,88 milyonluq əhalisinin təxminən 6 faizini təşkil edir.
4277684
