Səudiyyə Ərəbistanının Həcc mövsümündə buludlar yaratmaq planı
“Golf News”-un verdiyi məlumata görə, Səudiyyə Ərəbistanı hökumətinə bağlı, bulud toxumlarının əkilməsi sahəsində fəaliyyət göstərən bir agentliyi hər il milyonlarla müsəlman zəvvarın həcc ziyarətini yerinə yetirmək üçün toplaşdığı ölkənin şəhərlərində temperaturun aşağı salınması üçün qabaqcıl texnologiyaların tətbiqinə aid apardığı araşdırmanın ümidverici nəticələrini açıqlayıb.
Məkkə əyalətinin Taif şəhərində aparılan araşdırmalar müqəddəs yerlərdə hava şəraitinin yaxşılaşdırılması üçün buludların əmələ gəlməsinin və yağıntı ehtimalının artırılmasına yönəlib.
Bulud səpmə proqramının dizaynerləri bu yaxınlarda Ciddə limanında keçirilən seminarda öz nəticələrini təqdim etdilər.
Proqramın icraçı direktoru Ayman Əl-Bar bu səyləri yağış suyu istehsalı əməliyyatlarını idarə etmək üçün qabaqcıl texnologiyaların və süni intellektin istifadəsində keyfiyyət sıçrayışı kimi xarakterizə etdi.
Bu seminar Səudiyyə Ərəbistanının Milli Meteorologiya Mərkəzi tərəfindən “İqlim dəyişikliyinin builki Həcc ziyarətinə təsiri” adı altında təşkil olunub.
Səudiyyə rəsmiləri builki Həcc ziyarəti zamanı zəvvarların marşrutu boyunca temperaturun idarə edilməsi üçün dumanlama sistemlərinin quraşdırılması və çətirlərin paylanması kimi tədbirlərin görüldüyünü açıqlayıb.
Səudiyyə Ərəbistanının Həcc Nazirliyi istilərin qarşısını almaq və asayişi qorumaq üçün zəvvarları yalnız otel və ya çadır kimi müəyyən edilmiş yerlərdə dincəlməyə çağırıb.
Nazirlik vurğulayıb ki, küçələrdə sıxlıq, ibadət edənlər üçün ciddi maneələr yaradır və təcili yardım qruplarının ehtiyacı olanlara çatmasını gecikdirir.
Həmçinin xəbərdarlıq edilib ki, bu cür davranış izdihamı daha da artıracaq və ictimai təhlükəsizliyə maneə yaradacaq.
İyunun əvvəlinə planlaşdırılan 2025-ci il Həcc 16 ildən sonra yayın qızmar istisində yerinə yetiriləcək sonuncu Həcc olacaq.
Hicri təqviminin təbiətinə görə 2026-cı ildən etibarən Həcc mövsümü tədricən ilin sərin aylarına, bahara, sonra isə qışa keçəcək.
4283209
