Sionist rejimin İran televiziyasına hücumuna reaksiyalar

İQNA – Sionist rejimin canlı yayım zamanı İran hücumu beynəlxalq mediada geniş işıqlandırılıb.

Xəbərə görə, sionist rejim hücumlarını davam etdirərək iyunun 16-da canlı yayımda olan İranın yayım qurumuna hücum edib. Sionistlərin bu hərəkəti xarici mediada reaksiya ilə qarşılanıb.

Pakistan qəzeti İran dövlət televiziyasının İsrailin hücumuna məruz qaldıqdan sonra dərhal yayımını bərpa etdiyini bildirib.

Almaniyanın “Deutsche Welle” xəbər kanalı xəbər bildirib ki, “Müdafiə naziri İsrael Katz dövlət radio və televiziyasını “məhv etməklə” hədələdikdən sonra İsrail Tehranın şimalında İran dövlət televiziyasının binasına hücum edib”.

“The Times of India” həmçinin bildirib ki, “İsrailin İran Yayım Korporasiyasının binasına hücumu xəbər kanalının canlı yayımının kəsilməsinə səbəb olub”.

Hücumdan sonra studiyanın toz dalğasına büründüyü, canlı yayımların kəsildiyi və əvvəlcədən lentə alınmış görüntülərin yayımlandığı bildirilir.

Hindistanın başqa bir media orqanı olan “Economic Times” terror aktını belə yazıb: “Bazar ertəsi İran İslam Cümhuriyyətinin Yayım binası İsrailin hücumuna məruz qalıb və canlı yayım dərhal kəsilib.

4289053