Atəşkəs İran üçün strateji nailiyyət idi
“İQNA”-nın verdiyi məlumata görə, fələstinli yazıçı və siyasi analitik İmad Əbu Avad Şahab Xəbər Agentliyinə müsahibəsində sionist rejim ilə İran arasında atəşkəs elan edilməsini sürətli inkişaf kimi qiymətləndirib.
O, atəşkəsin gərginliyin artmasından, xüsusən də İranın Vaşinqtonun İranın nüvə obyektlərinə hücumlarına cavab olaraq Qətərdəki ABŞ Əl-Udeyd bazasına hücumundan sonra olduğunu vurğulayıb.
Əbu Avad əlavə edib: “ABŞ sionist rejimlə birlikdə hücumlarda fəal iştirakına baxmayaraq, son günlər münaqişələrə son qoymaq üçün çoxlu səylər göstərib və İranın nüvə obyektlərinə hücum İranın tam strateji qələbə qazandığı müharibənin sonunun başlanğıcı olub.
Əbu Avad, müharibənin nəticələrini dəyərləndirərkən həmçinin bildirib ki, bir sıra iranlı alimlər və hərbi komandirlərin öldürülməsi və ABŞ-ın hücumlara cəlb edilməsində uğur kimi bəzi əməliyyat nailiyyətlərinə baxmayaraq, sionist rejim əsas məqsədlərinə nail ola bilmədi.
O deyib: “Sionist rejim İran hakimiyyətini devirmək və ya əsaslı şəkildə zəiflətmək, İranın nüvə layihəsini və ya raket imkanlarını tamamilə məhv etmək iqtidarında deyildi və bu gün İran öz çəkindirici gücünün əhəmiyyətli bir hissəsini qoruyub saxlamışdır”.
Əbu Avad hesab edir ki, mümkün nüvə danışıqlarının yeni raundunun başlanmasından əvvəl atəşkəsin vaxtı İranın xeyrinədir; Çünki sionist rejim müharibənin təzyiqi altında İranı danışıqlara məcbur etməyə ümid edirdi, lakin bu baş vermədi.
Fələstinli analitik daha sonra vurğulayıb ki, İran gələcək mümkün danışıqlarda daha rahat və balanslı mövqedə olacaq.
Atəşkəsin Qəzzadakı müharibəyə təsiri ilə bağlı Əbu Avad bu məsələnin dolayı təsir göstərə biləcəyini də bildirib. Netanyahu İranda nəyəsə nail olduğunu hiss etdiyi üçün Qəzzada sülhə doğru irəliləyə bilər. Bu sakitlik fələstinlilərin kütləvi qətlinin dayandırılmasına səbəb ola bilər, lakin bu, real şərait yaratmayacaq.
O əlavə edib: “Sülh bərqərar olsa belə, Qəzzanın yenidən qurulmasının mürəkkəbliyi və yardımların daxil olmasının qarşısındakı maneələr sionist rejimin əlində təzyiq aləti olaraq qalacaq”.
4290849
