“İQNA”-nın “26sep.net” xəbər saytına istinadla verdiyi məlumata görə, cəmiyyət bu bəyanatda Quran yandırma cinayətlərini müsəlmanların ən müqəddəs dəyərlərinə açıq təcavüz və ABŞ hökumətinin siyasətlərinə hakim olan islaməleyhinə düşmənçilik ruhunun aydın təzahürü adlandırıb.
Bəyanatda bildirilib: “Quran yandırma cinayətlərini Vaşinqtonun və sionist rejimin Fələstində, Yəməndə, İraqda, Suriyada və digər bölgələrdə İslam ümmətinə qarşı həyata keçirdiyi ardıcıl pozuntulardan ayrı tutmaq olmaz.
Yəmən Alimlər Cəmiyyəti bəzi ərəb və islam ölkələrinin bu cinayət qarşısındakı şübhəli sükutunu pisləyərək, bu sükutu rejimlərin, hökumətlərin, alimlərin və ümmətin geniş təbəqələrinin çatdığı alçaqlıq və xəyanətin göstəricisi kimi qiymətləndirib. Onlar düşmənə sədaqətlərini sataraq Qurana və onun tərəfdarlarına arxa çevirmişlər.
Bəyanatda vurğulanıb ki, müsəlmanların bu təhlükəli tarixi məqamda vəzifəsi ümumi bir hərəkata başlamaqdır. İslam ümmətinin kütlələri bu cinayətin böyüklüyünə uyğun qəzəb və rədd mövqeləri tutmağa çağırılıb və amerikalı düşmən, sionist rejim və onların orbitində hərəkət edən muzdurlar və bağlı rejimlərə qarşı birlikdə dayanmağa dəvət olunub.
Yəmən Alimlər Cəmiyyəti bəyanatın sonunda qeyd edib ki, islamın müqəddəslərinə qarşı təkrar-təkrar edilən təhqirlər qarşısında susmaq, ümmətin düşmənlərini təcavüzlərini davam etdirməyə təşviq edir. Bu dəfə cavab əməl səviyyəsində olmalı, boş bəyanatlarla kifayətlənilməməlidir. Onların fikrincə, bu gün İslamın izzəti təhlükə altındadır və Qurana həqiqi yardım yalnız ona sözlə, əməl və planla təcavüz edənlərə qarşı mübarizə aparmaqla başlayır.
Qeyd edək ki, ABŞ Konqresi seçkilərində Texas ştatından Respublikaçı namizəd “Valentina Qomes” avqustun 26-da sosial şəbəkə X-də yaydığı videoda Qurana təhqir edib və ölkənin ifrat sağçı qruplarının diqqətini çəkmək üçün müsəlmanların müqəddəs kitabını yandırıb. O, Qurani-Kərimi yandırarkən vəd edib ki, Konqres seçkilərində səs qazandığı halda Texasda islamın mövcudiyyətinə son qoyacaq.
4302231