Hollandiya Qəzzada sionist rejimin cinayətlərinə dair foto sərgiyə ev sahibliyi etdi
Fələstin İnformasiya Mərkəzinin verdiyi xəbərə görə, ərəb və holland sülh fəallarının bir qismi Amsterdam şəhərinin mərkəzi metro stansiyasında toplaşaraq sionist rejimin Qəzzadakı cinayətlərini pisləyiblər.
Bu etiraz aksiyası səssiz sərgi ilə müşayiət olunub və sərgidə işğalçı ordunun müdafiəsiz mülki əhaliyə qarşı törətdiyi qətliam, bombardman və hücum səhnələri nümayiş etdirilib. Sərginin bir hissəsi isə xalqın aclıq vəziyyətini və İsrailin soyqırım cinayətlərini əks etdirməyə həsr olunub.
Etirazçılar bu aksiyada Fələstinin azadlığını dəstəkləyən şüarlar səsləndirib və Hollandiyanın rəsmi hökumətinin sionist rejimə verdiyi dəstəyin dayandırılmasını tələb ediblər.
Hollandiyanın paytaxtı və digər şəhərləri son aylarda dəfələrlə anti-müharibə etirazlarına və mitinqlərinə şahid olub. Bu etirazlarda iştirakçılar müharibənin dayandırılması, Qəzzaya qarşı qeyri-qanuni blokadanın ləğvi və hökumətin İsraillə münasibətləri kəsmək də daxil olmaqla praktiki addımlar atmasını tələb edirlər.
Bu etirazlar xarici işlər nazirinin istefasından bir gün sonra, “Yeni Sosial Müqavilə” partiyasının bütün nazirlərinin müvəqqəti hökumətdən istefa verməsi ilə eyni vaxta təsadüf edib. Bu addım sionist rejimə qarşı sanksiyaların tətbiqində uğursuzluğa etiraz əlaməti kimi atılıb.
4304573
